ԿԱԼԻՖՈՌՆԻԱՅԻ ՍԵՆԱՏԻ ԲԱՆԱՁԵՎԸ ՃԱՆԱՊԱՐՀ ԿՀԱՐԹԻ Օգոստոսի 27-ին Կալիֆոռնիայի նահանգային սենատն ընդունեց ԼՂՀ անկախության ճանաչման եւ Արցախի ժողովրդի ինքնորոշման մասին բանաձեւ, որով նաեւ կոչ էր արվում ԱՄՆ նախագահին եւ Կոնգրեսին` ջանքեր ներդնել եւ աջակցել ԼՂ Հանրապետության ինքնորոշման եւ անկախության ճանաչմանը: Սա, կարելի է ասել, Արցախի եւ հայության համար աննախադեպ նշանակության մի բանաձեւ է, որ կարող է նաեւ ճանապարհ հարթել այլ նահանգների եւ այլ պետությունների կողմից համանան բանաձեւերի ընդունման համար: Կալիֆոռնիայի Սենատի որոշումը ողջունել է նաեւ Հայաստանի արտգործնախարար Էդվարդ Նալբանդյանը , ով ըստ ԱԳՆ հաղորդագրության հայտարարել է.«Որքան Ադրբեջանը շարունակի խոչընդոտել ղարաբաղյան հիմնախնդրի լուծմանն ուղղված Հայաստանի եւ եռանախագահների ջանքերը, այնքան համանման նորանոր որոշումներ եւ բանաձեւեր կարելի է ակնկալել, որոնք ճանապարհ կհարթեն դեպի ԼՂՀ միջազգյին ճանաչում»: |
