ԸՍՏ ԳՅՈՒՂՆԱԽԱՐԱՐԻ, ՏԱՐԻՆ ԲԵՐՔԱՌԱՏ ԿԼԻՆԻ Ա. ՄԱՐՏԻՐՈՍՅԱՆ Գյուղատնտեսության նախարար Սերգո Կարապետյանը երեկ կառավարության նիստում անդրադարձավ այս գարնանը տեղի ունեցած կարկտահարության դեպքերին եւ դրանց պատճառած վնասներին, նշելով, որ համայնքերում ստեղծված հանձնաժողովներն արձանագրում են վնասի չափերը: Խոսելով գյուղատնտեսական տարվա մասին, գյուղնախարարն ընդհանուր առմամբ դրական գնահատեց այն: Սերգո Կարապետյանի տեղեկացմամբ, մարտ, ապրիլ, մայիս ամիսներին տեղացած անձրեւի արդյունքում երկրի հիմնական ջրամբարներում անցյալ տարվա համեմատ ավելի շատ ջուր է կուտակվել, ինչի շնորհիվ առատ կլինի մրգի եւ բանջարեղենի բերքը: Բավականաչափ միրգ եւ բանջարեղեն է արտահանվում հարեւան երկրներ, հիմնականումՙ Ռուսաստանի Դաշնություն: Գյուղատնտեսության նախարարի խոսքով, լավ արդյունքներ են ակնկալվում ոլորտի գրեթե բոլոր ճյուղերից: |
