Տեղադրվել է` 2015-06-04 23:10:33 (GMT +04:00)

Ընթերցված է` 1279, Տպվել է` 13, Ուղարկվել է էլ.փոստով` 6

ԲԵԼԳԻԱ. ՀԱՅՈՑ ՑԵՂԱՍՊԱՆՈՒԹՅՈՒՆԸ ԺԽՏԵԼՈՒ ՀԱՄԱՐ ԱՐՏԱՔՍՎԵԼ Է ԿՈՒՍԱԿՑՈՒԹՅՈՒՆԻՑ

Հ. Ծ.

Բելգիական քաղաքական կուսակցություններից մեկի Մարդասիրական ժողովրդավարական կենտրոնի (Humanist Democratic Center) էթիկայի հանձնախումբը մայիսի 29-ին կուսակցության շարքերից հեռացրել է խորհրդարանի թուրք պատգամավոր տիկին Մահինուր Օզդեմիրին Հայոց ցեղասպանության փաստը ժխտելու համար, տեղեկացնում է Ֆրանսիայից անկախ լրագրող Ժան Էսքիյանը :

Այդ առթիվ հրատարակված հայտարարության մեջ նշվել է, որ Ցեղասպանության ճանաչումը հստակ կողմնորոշում է պահանջում: «Եթե որեւէ մեկը ժխտում է այն, նրան անմիջապես հեռացնում ենք մեր շարքերից», ասել է կենտրոնամետ կուսակցության նախագահ Բենուս Լուտգենը :

Մահինուր Օզդեմիրը ամուսնացած է Ռահմի Գյոքթաշի հետ, ով Թուրքիայի իշխող կուսակցության պահպանողական իսլամական թեւի խոհրդարանական պատգամավոր է: Մահինուրն ասել է, որ իր «դիրքորոշումն է ճանաչել բոլոր մարդկային ողբերգությունները եւ հարգել բոլոր նրանց հիշատակը, ովքեր իրենց կյանքն են կորցրել»: Նա դիտավորյալ չի օգտագործել «ցեղասպանություն» եզրույթը:

Նկար 1. Մահինուր Օզդեմիր