ԱՂԲԻ ՏԵՂԸ ԱՂԲԱՄԱՆՆ Է Հ. Աֆ. «Մաքուր Հայաստան» ծրագրի շրջանակներում Հայաստանում սկսվել է նոր սոցիալական շարժում: Այսուհետ բոլոր հնարավոր լրատվամիջոցներով, համացանցով հասարակությանը կիրազեկեն, որ աղբի տեղը աղբամանն է, ի դեպ, հենց այդ խորագիրն էլ կրում է շարժումը: Կազմակերպիչները նշում են, որ Հայաստանը մաքուր պահելու համար բավարար չէ մաքրելը, օրինակ ամիսը մեկ, կամ նույնիսկ շաբաթը մեկ հանրապետական շաբաթօրյակներ կազմակերպելով, անհրաժեշտ է նախ եւ առաջ չկեղտոտել: Հենց դրա համար էլ նրանք հիշեցնում են, որ աղբի տեղը աղբամանն է: Մոռացել էինք: Ի դեպ, վերեւում էլ Աստված կա: Հա, մեկ էլ առավոտյան զարթնելիս նախ բացում են աչքերը: |
