Տեղադրվել է` 2018-08-12 17:15:54 (GMT +04:00)

Ընթերցված է` 8255, Տպվել է` 1480, Ուղարկվել է էլ.փոստով` 0

ՔՈՉԱՐՅԱՆԻՆ ՄԵՂԱԴՐԱՆՔ Է ԱՌԱՋԱԴՐՎԵԼ

Մարտի 1-ի գործի շրջանակներում հուլիսի 26-ին հարցաքննության են կանչվել Հայաստանի երկրորդ նախագահ Ռոբերտ Քոչարյանը եւ ՀԱՊԿ գլխավոր քարտուղար Յուրի Խաչատուրովը : Վերջինս 2008 թվականի մարտի 1-ին զբաղեցնում էր Երեւանի կայազորի պետի պաշտոնը: Ռոբերտ Քոչարյանի հարցաքննությունը երեկ տեւել է մի քանի ժամ եւ տեսաձայնագրվել է: Հատուկ քննչական ծառայության մամուլի հաղորդագրության համաձայնՙ 2008 թվականի մարտի 1-ից 2-ն ընկած ժամանակահատվածում Երեւան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով նախաքննության ընթացքում ձեռք բերված ապացույցների բավարար համակցության հիման վրա Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով, այն բանի համար, որ նա այլ անձանց հետ նախնական համաձայնությամբ տապալել է ՀՀ սահմանադրական կարգը: Միջնորդություն է ներկայացվել Երեւան քաղաքի ընդհանուր իրավասության առաջին ատյանի դատարան` Ռոբերտ Քոչարյանի նկատմամբ կալանավորումը որպես խափանման միջոց ընտրելու համար: