ԱՆՏԱՐԲԵՐՈՒԹՅՈՒՆԸ ՉԱՐԻՔ Է Ստեփան ՊԱՊԻԿՅԱՆ, Տեխնիկական գիտությունների թեկնածու, Հայաստանի ժուռնալիստների միության անդամ Անցյալ դարի 60-ական թվականներին բնակչության պարենային հարցի բարելավման նկատառումներից ելնելով Երեւան քաղաքի մոտ գտնվող Խարբերդ գյուղի մոտակայքում հիմնարկ-ձեռնարկությունների աշխատակիցներին հատկացվեցին այգեգործական նպատակներով հողակտորներ: Ներկայումս ձեւավորվել է մի փոքրիկ ավան, որտեղ բնակվում են հազարավոր մարդիկ: Բնակչությունը այն անվանում է «Խարբերդի դաչաներ»: Վարչական տեսակետից գտնվում է Երեւան քաղաքի Շենգավիթ համայնքում: Այստեղ գոյություն ունի պոլիկլինիկա, տարբեր խանութներՙ շինարարական, մթերային եւ այլն: Երեւանի հետ հաղորդակցության հիմնական տրանսպորտը թիվ 33 ավտոբուսային երթուղին է: Այն աշխատում է կանոնավոր ռեժիմով: Ցավոք սրտի աղբահանության հարցը այստեղ եւս գտնվում է անմխիթար վիճակում: Բնակչության արդարացի զայրութին դեռեւս պատասխան չկա: Գաղնիք չէ, որ աղբահանության հարցը Երեւան քաղաքում դեռեւս մնում է չլուծված: Օրինակ, հուլիսի 5-ին կիրակի օրվա դրությամբ Երեւանի մի շարք շրջաններում այս հարցը կարգավորված էր, սակայն վիճակը անմխիթարական էր «Խարբերդի դաչաներ» կոչվող թաղամասում: Այստեղ անտարբերությունն է իշխում: Ամառվա այս շոգ օրերին վիճակն ավելի է վատանում հասկանալի պատճառներով: Մնում է հուսալ, որ պատկան մարմինները իրենց ուշադրությունը կդարձնեն նաեւ այս համայնքի մաքրության վրա: Մինչեւ ե՞րբ... | 
