«ԳԱՐԴԻԱՆ ՈՒԻՔԼԻՆ» ՍԱՖԱՐՈՎԻ ԳՈՐԾԻ ՄԱՍԻՆ Հ.Ծ. Անգլիական «Գարդիան Ուիքլի» շաբաթաթերթում տպագրված «կացնահարված հայի ազգականները արդարություն են պահանջում» վերնագրով հոդվածում, լրագրող Շաուն Ուոքերը մանրամասն քննության է առնում Հունգարիայի եւ Ադրբեջանի կառավարությունների գործունեությունները կապված Ռամիլ Սաֆարովի ոճրագործության, դատապարտման, արտահանձնման եւ վերջապես հերոսացման հետ: Լրագրողը մեջբերում է Գուրգեն Մարգարյանի հետ 2004-ին Հունգարիայում գտնվող սպա Հայկ Մակուչյանի խոսքերն այն մասին, որ «չնայած այդ նողկալի ոճրագործությունը տասնվեց տարի առաջ տեղի ունեցավ, այն մինչ օրս թարմ է հիշողությանս մեջ», ավելացնելով, որ Սաֆարովը մտադիր էր սպանել նաեւ Հայկին: Ավելացնենք, որ «Մակուչյանն ու Մինասյանն ընդդեմ Ադրբեջանի եւ Հունգարիայի գործով երեքշաբթի օրը ՄԻԵԴ-ը 8 տարի հետո վերջապես վճիռ կայացրեց, որ «Սաֆարովին ազատելով Ադրբեջանը խախտել է մարդու իրավունքների եվրոպական կոնվենցիան»: Ադրբեջանից ակնկալվում են արդարության կիրառման համապատասխան քայլեր, որոնցից մեկը կարող է լինել Սաֆարովին նորից կալանավորել եւ ետ հանձնել Հունգարիային, որպեսզի այնտեղ շարունակի կրել իր պատիժը: | 
