«ԱԿՆԹԱՐԹԱՅԻՆ ՊԱՏԿԵՐՆԵՐ» Մ. Մ. ՀՀ Նկարիչների միությունում հոկտեմբերի 12-18-ը ներկայացված էր Գագիկ Ղազանչյանի «Ակնթարթային պատկերներ» ցուցադրությունը: Ամսի 18-ը նշանակալի դարձավ «Տերյան» մշակութային կենտրոնիՙ ի դեմս դիզայներ Լիլիթ Մելիքյանի, Գագիկ Ղազանչյանի աշխատանքների հիման վրա ստեղծված հավաքածուի ցուցադրությամբ: Հավաքածուն շատ հետաքրքրական էր ու գեղեցիկ, ներկայացնում էինՙ «Ատեքս» նորաձեւության կենտրոնի մոդելները: Իսկական շոու-ցուցահանդես էր կազմակերպված, եթե կարելի է կոչելՙ կենդանի ինստալացիա, որտեղ ցուցադրված մեծադիր նկարների առջեւ,- բոլորն էլ դեկորատիվ արվեստի գեղեցիկ նմուշներ,- կանգնած էին տարաշխարհիկ շպարով ու նկարների հետ խոսուն գույնի զգեստներով մոդելներ, որոնք միստիկ երաժշտության հնչյունների ներքո երբեմն տեղաշարժվում էին սրահումՙ ներկաներին փոխադրելով կալեյդոսկոպիկ մի աշխարհՙ գույների համադրությամբ ու հակադրությամբ: Իրոք, նման ցուցահանդեսները կարող են ավելի լայն հետաքրքրություններ ունեցող արվեստասերների համար ավելի գրավիչ ու հետաքրքրական լինել: Այսքան գունառատ եւ հիասքանչ պատկերներին զուգահեռ մեր աչքից չվրիպեցին ՀՀ Նկարիչների միության անփույթ վերաբերմունքը հյուրերին: Չկային տարրական հիգիենայի եւ հարակից պայմաններ: Ասենք նաեւՙ որ մոդելների թիվը առնվազն կիսով չափ կարելի էր կրճատելՙ յուրաքանչյուրին տալով ինքնադրսեւորվելու ավելի մեծ տարածք: | 
