«ԱՐԱՐԱՏԸ» ԶԻՋԵՑ «ՀԱՊՈԵԼԻՆ» Սերբիայում ուսումնամարզական հավաք անցկացնող «Արարատը» ստուգողական 2-րդ խաղում 1-2 հաշվով պարտվել է Իսրայելի «Հապոելին»: Մրցակիցը յուրաքանչյուր խաղակեսում մեկական գոլ է խփել, իսկ խաղավերջում Տիգրան Ղարաբաղցյանը կրճատել է հաշվի տարբերությունը: Օրերս «Արարատի» հետ մեկ տարվա պայմանագիր է կնքել «Բանանցի» դարպասապահ Ստեփան Ղազարյանը: Որքան էլ որ տարօրինակ է, այսօր «Արարատում» արդեն 5 դարպասապահ կա: Անցած մրցաշրջանում թիմի դարպասը պաշտպանած Արսեն Պետրոսյանին եւ Մայիս Ազիզյանին միացել են նաեւ Մանվել Աֆրիկյանը, Գրիգոր Մելիքսեթյանն ու Ստեփան Ղազարյանը: | 
