Տեղադրվել է` 2013-08-20 23:19:39 (GMT +04:00)

Ընթերցված է` 957, Տպվել է` 19, Ուղարկվել է էլ.փոստով` 14

ՄԱՐՈՒԹԱ ՍԱՐԻ ՍՈՒՐԲ ԱՍՏՎԱԾԱԾԻՆ ԵԿԵՂԵՑԻՆ ԿՎԵՐԱՆՈՐՈԳՎԻ

Սասունի հայերի միության նախագահ Ազիզ Դաղջըն հայտարարել է, որ Մարութա սարի Սուրբ Մարիամ Աստվածածին եկեղեցին վերանորոգելու թույլտվություն ստանալու համար դիմել են թուրքական կառավարությանն ու տեղի իշխանություններին: Թույլտվությունը ստանալուց հետո միության հիմնադրամի միջոցներով փորձելու են եկեղեցին նախկին տեսքի բերել: Այս մասին տեղեկացնում է «Արմենպրեսը»` օգտվելով թուրքական batmancagdas.com կայքից:

Դաղջըի խոսքով` 9-րդ դարում կառուցված հայկական պատմական սրբավայրերից մեկի` Մարութա լեռան 2973 մետր բարձրության վրա գտնվող Սուրբ Մարիամ Աստվածածին եկեղեցու վերանորոգման աշխատանքները նախատեսվում է ավարտին հասցնել մեկ ամսում:

«Մարութա լեռան Սուրբ Աստվածածին եկեղեցին շատ կարեւոր է սասունցիների համար: Վերանորգման աշխատանքներն ավարտելուց հետո այնտեղ պատարագ կմատուցվի», ասել է Սասունի հայերի միության նախագահը: