Տեղադրվել է` 2014-04-11 00:11:23 (GMT +04:00)

Ընթերցված է` 2797, Տպվել է` 59, Ուղարկվել է էլ.փոստով` 50

ՄԱՍԱՉՈՒՍԵԹՍՈՒՄ ԱՅՍՕՐ ՈԳԵԿՈՉՈՒՄ ԵՆ ԵՂԵՌՆԻ 99-ՐԴ ՏԱՐԵԼԻՑԸ

Հ. Ծ.

Մասաչուսեթսի նահանգային Ներկայացուցիչների պալատի դահլիճում այսօր, ապրիլի 11-ին, ոգեկոչում են Եղեռնի 99-րդ տարելիցը: Խմբագրությանը հասցեագրված հաղորդագրությունը տեղեկացնում է, որ բանախոսելու համար հրավիրվել է ճանաչված փաստաբան եւ հասարակական գործիչ Մարկ Կիրակոսը: Միջոցառման ընթացքում Ներկայացուցիչների պալատի եւ Սենատի համատեղ երախտագիտական հավաստագիրն է հանձնվելու Բոստոնում «Հայկական ժառանգության պուրակի» ճարտարապետ Դոնալդ Թելալյանին:

Այս տարի եւս «Արվեստի խաղաղություն» կազմակերպության նախագահ, նկարիչ Դանիել Վարուժան Հաճինյանը պատրաստել է Ցեղասպանության 100-ամյակին ընդառաջ երեք ցուցատախտակՙ «Ճանաչիր դարի ոճրագործությունըՙ Հայերի ցեղասպանությունը» վերտառությամբ, որոնք, ինչպես նախորդ 20 տարիներին, տեղադրվել են Ֆոքսբորո, Քեմբրիջ եւ Ուոթերթաուն քաղաքների ամենաբանուկ խաչմերուկներում: