ՈՍԿԵ ԵՎ ԲՐՈՆԶԵ ՄԵԴԱԼՆԵՐ ԲՌՆՑՔԱՄԱՐՏԻ ԱՇԽԱՐՀԻ ԵՐԻՏԱՍԱՐԴԱԿԱՆ ԱՌԱՋՆՈՒԹՅՈՒՆԻՑ Ապրիլի 14-24-ը Բուլղարիայի մայրաքաղաք Սոֆիայում կայացել է բռնցքամարտի աշխարհի երիտասարդական առաջնությունը: Այս մրցաշարին Հայաստանը ներկայացրել են 7 մարզիկ եւ 1 մարզուհի: 81 կգ քաշային կարգում հանդես եկող Նարեկ Մանասյանը գրավելով երրորդ տեղը` նվաճել է Հայաստանի հավաքականի առաջին մեդալը: Ապրիլի 24-ին 51 կգ քաշային կարգում Հայաստանը ներկայացնող Անուշ Գրիգորյանը երզափակիչում հաղթեց իտալուհի Իրմա Տեստային եւ նվաճեց աշխարհի չեմպիոնի կոչումը: Նարեկ Մանասյանն ու Անուշ Գրիգորյանը այս մեդալների շնորհիվ նվաճեցին Չինաստանի Նանջինգ քաղաքում կայանալիք պատանեկան Օլիմպիական խաղերի երկու ուղեգիր: «Բորուսիան» ապահովեց Գերմանիայի փոխչեմպիոնի կոչումը Գերմանիայի առաջնության 32-րդ տուրում Դորտմունդի «Բորուսիան» հյուընկալվել էր Լեւերկուզենի «Բայերին»: Թիմերը բաժանվեցին խաղաղությամբ` 2:2: Հայաստանի ազգային հավաքականի կիսապաշտպան Հենրիխ Մխիթարյանը խաղադաշտ էր դուրս եկել «Բորուսիայի» մեկնարկային կազմում եւ խաղաց 75 րոպե: Բունդեսլիգայի ավարտից երկու տուր առաջ Յուրգեն Կլոպի թիմը ապահովեց երկրորդ տեղը մրցաշարային աղյուսակում եւ ժամանակից շուտ դարձավ Գերմանիայի փոխչեմպիոն: 32 տուրից հետո առաջին տեղն ապահոված «Բավարիան» ունի 84 միավոր, երկրորդ տեղում «Բորուսիան» է (65), երրորդում` «Շալկեն» (58): | 
