ԳԵՓԱՐՏԸ Ի ՆՊԱՍՏ ԹՈՒՐՔԻԱՅԻ Որպես «Գեփարտ Գրուփի» կառավարական գործերի ենթակառույց «Կապիտոլ կաունսլը» (Կապիտոլյան խորհուրդ) նոր համաձայնություն է ստորագրել ի նպաստ Թուրքիայի: Ըստ ԱՄՆ-ի Արդարադատության դեպարտամենտի հրատարակած նոր փաստաթղթերի, ամսական 32 հազար դոլարի դիմաց այդ կառույցը պարտավորվում է կապեր հաստատել պաշտպանության եւ պետական քարտուղարությունների, ինչպես նաեւ Ազգային անվտանգության խորհրդի հետ հասկացնելու համար Ցեղասպանության հարցի լրջությունն ու դրա հնարավոր սպառնալիքները ամերիկա-թուրքական հարաբերությունների ոլորտում: Նոր համաձայնությունը կարծես Թուրքիային թեքում է դեպի հանրապետականների կուսակցությունը: Թուրքիան «Գեփարտ Գրուփին» (նախկին մեծամասնական խմբի առաջնորդ Դիկ Գեփարտի ղեկավարությամբ) վարձակալել էր մարտին 1.7 միլիոն դոլարով: Խմբի անդամներից Դիկստեյն Շապիրոն ամսական ստանալու է 32.000 դոլար, Բրայան Ֆորնինՙ 7.500 դոլար, Լիդիա Բորլանդըՙ 15.000 դոլար, իսկ Գրինբերգ Թաուրիգըՙ 40 հազար դոլար: Անշուշտ սրանք պաշտոնական թվերն են, որոնց վրա հարկ է ավելացնել առնվազն մեկ զրո: | 
