ԵՂԵՌՆԸ ՎԱՏԻԿԱՆՅԱՆ ԱՐԽԻՎՆԵՐԻ ՓԱՍՏԱԹՂԹԵՐՈՒՄ Հ .Ծ. Վալենտինա Վարդուհի Կարախանյանը երկու հետազոտողներից մեկն է, ով խորամուխ լինելով Վատիկանի գաղտնի արխիվների մեջՙ դուրս է բերել Հայոց ցեղասպանության վերաբերյալ փաստաթղթեր եւ հրատարակել դրանք «Մայր Աթոռը եւ Օսմանյան կայսրությունում հայերի բնաջնջոււմը» (La Santa Sede e Lo Sterminio Degli Armeni Nell՛imperio Ottomano) խորագրով գրքում, որը վերջերս է լույս տեսել իտալերեն լեզվով: Փաստաթղթերը ժամանակագրական կարգով պատմում են, թե ինչպես այդ ժամանակվա պապական նվիրակը, տեղեկանալով պատրաստվող ողբերգության մասին, փորձում է քայլեր ձեռնարկել եւ կանգնեցնել այն: «Դրանցում հանդես են գալիս եպիսկոպոսներ, պապական պատվիրակներ, դեսպաններ, որոնք ականատես են եղել կոտորածներին: Գլխավոր կերպարը կարդինալ Անժելո Մարիա Դոլչին է, ով զորակոչի է ենթարկել ամբողջ դիվանագիտական կորպուսը կարողանալ հասնելու համար սուլթանին», պատմում է Վ. Կարախանյանը: Վստահաբար այլ գրքեր եւս կհետեւեն այս հրարատակությանը: |
