ՔՐԴԱԿԱՆ ԿՈՒՍԱԿՑՈՒԹՅԱՆԸՙ ՈՉ ՄԻ ՐՈՊԵ ԵԹԵՐԱԺԱՄ Հ. Ծ. Թուրքիայում քրդամետ ժողովրդա-դեմոկրատական կուսակցությունը (HDP) բողոքել է ապրիլի 16-ին կայանալիք հանրաքվեի քարոզարշավի ընթացքում իր առաջ դրված արգելքների դեմ: «Վեց միլիոն քաղաքացիների քվեները ստացած կուսակցությանը ոչ մի րոպե եթերաժամ չի տրամադրվել մարտի 1-ից 22-ը ընկած ժամանակահատվածում», գրում է ARA լրատվամիջոցի թղթակից Վլադիմիր վան Վիլգենբուրգը Ստամբուլից, ավելացնելով, որ այդ նույն ժամանակամիջոցին նախագահականին տրամադրվել է 1390 րոպե, իշխող AKP (Արդարություն եւ բարգավաճում) կուսակցությանըՙ 2723, գլխավոր ընդդիմադիր CHP (Ժողովրդահանրապետական) կուսակցությանըՙ 216, իսկ MHP (Ազգայնամոլական Շարժում) կուսակցությանըՙ ընդամենը 48 րոպե: Նույն պատկերը տիրում է նաեւ հարցազրույցների հրավիրված անհատների պարագայում: HDP կուսակցությունից ոչ մեկին հարցազրույցի չեն հրավիրել հեռուստաընկերությունները: HDP-ն այս կետը միջազգային լրատվամիջոցների ուշադրությանն է հանձնել: | 
