ԲԱՔՎԻ ՋԱՆՔԵՐՈՎ ՓԱԿՎԵՑ ԵԱՀԿ ԵՐԵՎԱՆՅԱՆ ԳՐԱՍԵՆՅԱԿԸ ԱՆԱՀԻՏ ՀՈՎՍԵՓՅԱՆ, Գերմանիա Մայիսի 4- ին ԵԱՀԿ խորհրդարանական վեհաժողովի նախագահ Քրիստինե Մութթոնեն (Ավստրիա), ինչպես նաեւ այդ կառույցի Հարավային Կովկասում հատուկ ներկայացուցիչ Քրիստիան Վիգենինը (Բուլղարիա) ափսոսանք են հայտնել ԵԱՀԿ երեւանյան գրասենյակի մանդատի երկարաձգման վերաբերյալ համաձայնության անհնարինության առիթով: Հարավային Կովկասում գործող միակ գրասենյակը կփակվի առաջիկա ամիսներին: Վիգենինն ընդգծել է Հայաստանի եւ ԵԱՀԿ-ի համար երեւանյան գրասենյակի կարեւորությունը, հաղորդելով, թե այդ կառույցն ակտիվ ներգրավված էր լինելու տարածաշրջանային նախաձեռնություններում: «Բաքվին կառուցողական դաշտ վերադարձնելու ԵԱՀԿ երկրների ջանքերն ապարդյուն անցան», ասել է ԱԳՆ խոսնակ Տիգրան Բալայանը : Փաստորեն «մեկուսացված» Ադրբեջանը ԵԱՀԿ- ում թելադրողի դերում է: | 
