ՆՈՐՈՒԹՅՈՒՆՆԵՐ` ԿԲ ՆԱԽԱԳԱՀԻՑ Հանրության համար հետաքրքրություն ներկայացնող երկու տեղեկություն է փոխանցել Հայաստանի Կենտրոնական բանկի նախագահ Արթուր Ջավադյանը , խորհրդարանում անցած տարվա բյուջեի կատարողականի քննարկման ընդմիջմանը, պատասխանելով լրագրողների հարցերին: Ըստ նրա` շուտով Հայաստանը բավական լուրջ ոսկու պաշարներ է ունենալու. համաշխարհային ճանաչում ունեցող լուրջ ընկերության մասնակցությամբ կառուցվում է ոսկու աֆինաժի լուրջ գործարան, գործարանի ներուժը լինելու է տարեկան մոտ 10 տոննա: Ջավադյանի` լրագրողներին հայտնած մեկ այլ տեղեկությամբ` վերջին չորս տարվա ընթացքում Հայաստանի գյուղացիներին հատկացվել է 500 մլրդ դրամից ավելի գյուղատնտեսական վարկ, որից 90 մլրդ-ի տոկոսադրույքները սուբսիդավորել է պետությունը: Այդ վարկերը գյուղացիական տնտեսությունների համար հասանելի են եղել 8 տոկոսով: | 
