ՆՈՐ ՏԵՂԵԿԱԳԻՐՔՙ «ՀԱՅԿԱԿԱՆ ԱՐՎԵՍՏՆԵՐ» Հ. Ծ. Ընդհանրապես մարդկությանը եւ մասնավորապես ամերիկյան քաղաքակրթությանը ամերիկահայերի ներդրած լուման գովաբանող «Knowledge Truck» (Գիտելիքների վագոն) կալիֆոռնիական շահույթ չհետապնդող կազմակերպության «Հայկական արվեստներ» բաժանմունքը հայտարարել է, որ այս տարվա հոկտեմբերին պատրաստվում է հրատարակել իր տեսակի մեջ առաջին հանրագիտարանատիպ տեղեկագիրքըՙ անգլերեն լեզվով եւ միեւնույն «Հայկական արվեստներ» (Armenian Arts) վերնագրով: Տեղեկագիրքը, որն ընդգրկելու է մշակութային եւ ժամանցային ամենատարբեր բնագավառների ներկայացուցիչների մասին տեղեկություններ, հրատարակվելու է տարեկան մեկ անգամ լրացված տարբերակով: Ներկայիս նախաձեռնողները կոչ են անում հայազգի արվեստագետներին, նկարիչներին, գրողներին, խմբագիրներին, երաժիշտներին, դերասաններին, հաղորդավարներին, որպեսզի իրենց մասին համառոտ նյութեր ներկայացնեն հետեւյալ հասցեին «info@armenianarts.com»: Ընդունվելու են նաեւ գովազդային հայտարարություններ, որոնց չափսերի եւ գների մասին տեղեկություններ կարելի է ստանալ վերոնշյալ կայքին դիմելով: | 
