ՁԱՅՆԴ ԿՏՐԻՐ, ԹՈՒՐՔԻԱ ՀՈՎԻԿ ԱՖՅԱՆ Միջազգային հեղինակավոր «Լրագրողների պաշտպանության կոմիտե» (CPJ) կազմակերպության հրապարակած տվյալների համաձայն, 2017-ի դեկտեմբերի դրությամբ աշխարհում 262 կալանավորված լրագրող կա: Կոմիտեի կողմից հրապարակվող ամենամյա զեկույցում արձանագրվել է, որ ամենաշատ ազատազրկված լրագրողներ ունեցող 3 երկրներն են Թուրքիան, Չինաստանը եւ Եգիպտոսը: Ըստ զեկույցիՙ Թուրքիայում կալանավորված լրագրողների թիվն այս տարի կազմում է 73ՙ նախորդ տարվա համեմատ նվազելով 8-ով: Այնուամենայնիվ, Թուրքիան արդեն երկրորդ տարին անընդմեջ ամենից շատ բանտարկված լրագրողներ ունեցող երկիրն է աշխարհում: Այնպես որ, երբ Էրդողանը ինչ-որ բան է ասում, կարեւոր չէ, թե ինչ, հանգիստ կարելի է ասել նրանՙ «ձայնդ կտրիր»: | 
