Louis Vuitton-Ը ԴԻՄԱԿՆԵՐ ԿԹՈՂԱՐԿԻ ՊԱՅՈՒՍԱԿՆԵՐԻ ՓՈԽԱՐԵՆ Արեւիկ Քեշիշյան Ֆրանսիական Louis Vuitton նորաձեւության տունը մտադիր է իր կաշվեղենի որոշ արհեստանոցներ մոբիլիզացնել շաբաթական 100 հազար պաշտպանական դիմակի արտադրության համար, գրում է Le Figaro թերթը։ Այդ նպատակով նա համախմբել է 400 վարպետների, որոնք սովորաբար աշխատում են ֆիրմայի արհեստանոցներում։ Կարտադրվեն գործվածքային դիմակներ, որոնք հնարավոր է օգտագործել չորս ժամ եւ լվանալ հինգ անգամ։ Այն քաղաքներում, որտեղ գտնվում են արհեստանոցները, դիմակները անվճար կբաժանվեն ծերանոցներին, ինչպես նաեւ անկախ բուժքույրերին, սուպերմարկետների աշխատողներին, առաքման ծառայությունների աշխատակիցներին եւ այլն։ Louis Vuitton-ը ակնկալում է առողջապահության նախարարության թույլտվությունը ստանալ վիրահատական դիմակներ արտադրելու համար, որոնք կարելի է բաժանել բուժանձնակազմերին։ Հաջորդ փուլը կդառնա ֆիրմայի արհեստանոցների օգտագործումը հիվանդանոցային կոմբինեզոնների արտադրության համար։ Louis Vuitton-ի գլխավոր տնօրեն Մայքլ Բերկը France 3 հեռուստաալիքի եթերում հայտարարել է, որ առաջին արտադրանքը կթողարկվի արդեն եկող շանբաթ։ | 
