ՄԱԿԱՆՈՐԴՆԵՐԸ ԿՊԱՅՔԱՐԵՆ ՕԼԻՄՊԻԱԿԱՆ ՈՒՂԵԳՐԵՐԻ ՀԱՄԱՐ Մականախաղի Հայաստանի հավաքականը կմասնակցի 2014-2015-ի համաշխարհային լիգայի առաջին եւ 2-րդ փուլերին: Հայաստանի ֆեդերացիան մասնակցության պաշտոնական հրավերը ստացել է մարզաձեւի միջազգային ֆեդերացիայից: Համաշխարհային լիգայի 1-ին փուլի մրցումները տեղի կունենան 2014-ի հուլիսին, իսկ 2-րդ փուլը կկայանա 2015-ի փետրվարին: 2 փուլերի արդյունքով 6 լավագույն հավաքականներն իրավունք կստանան մասնակցելու 2016-ին Ռիո դե Ժանեյրոյում կայանալիք ամառային օլիմպիական խաղերին: Հայ մականորդներն արդեն սկսել են նախապատրաստությունը պատասխանատու մրցումներինՙ մարզումներն անցկացնելով Հրազդանում: | 
