ՀԲԸՄԻՈՒԹՅՈՒՆԸ ՄՏԱԴԻՐ Է ԹՈՒՐՔԻԱՅՈՒՄ ՆԵՐԿԱՅԱՑՈՒՑՉՈՒԹՅՈՒՆ ՍՏԵՂԾԵԼ Այս մտադրության մասին Պոլսո «Ժամանակ» օրաթերթի գլխավոր խմբագիր Արա Քոչին հայտնել է ՀԲԸՄիության Եվրոպայի կազմակերպության ատենապետ Ալեքսի Գյովճյանը, որ Ապրիլի 24-ին կարճ այցելությամբ եղել է Ստամբուլում եւ մասնակցել Թաքսիմ հրապարակում եւ այլուր այդ օրը տեղի ունեցած միջոցառումներին: Ըստ Ս. Գյովճյանի, հայկական սփյուռքի աչքը առաջին հերթին սեւեռված է մնում Հայաստանի Հանրապետւթյուն-Արցախի Հանրապետություն առանցքի վրա, որը պայմանավորում է սփյուռքահայության ապագան: Երկրորդ առանցքը, ըստ ֆրանսահայ գործչի, Թուրքիան է, որտեղ գտնվում են սփյուռքահայության արմատները, որոնցով իմաստավորվում է սփյուռքի գոյությունը: Նա ասել է նաեւ, որ ՀԲԸՄիությունը պատրաստ է Թուրքիայի հետ եւ մեջ աշխատելու, առաջին հերթին այնտեղ հաստատելով տեղացի գործակիցների միջոցով ներկայություն, գրում է «Ժամանակ» օրաթերթը իր երեկվա համարում: |
