ՇԱՌԼ ԱԶՆԱՎՈՒՐԸ ՉԻ ՊԱՏՐԱՍՏՎՈՒՄ ԹՈՒՐՔ ԵՐԵԽԱ ՈՐԴԵԳՐԵԼ «Շառլ Ազնավուր» հիմնադրամ Մոտ երկու տարի է անցել Թուրքիայի աղետալի երկրաշարժից, սակայն չեն դադարում խոսակցություններն այն մասին, որ մեծն Շանսոնիեն ցանկանում է թուրք երեխա որդեգրել։ Շառլ Ազնավուրի մամլո խոսնակ Ֆեդերիկ Դյուպոն պաշտոնապես հերքում է այս ապատեղեկատվությունը, եւ հայտարարում, որ Շանսոնիեն նման մտադրություն չունի։ Նա պարզապես խորապես ցավել է երկրաշարժից զոհված թուրք երեխաների համարՙ նշելով, որ «երեխան մնում է երեխա, ու ցանկացած փոքրիկի մահ ցավալի է, եւ միեւնույն է ՙ երեխան հայ է, թուրք, պարսիկ թե ֆրանսիացի»։ Հիշեցնենք, որ վաղըՙ մայիսի 22-ին, լրանում է լեգենդար երգչի 89 ամյակը, եւ Ֆրանսիայում ու Հայաստանում մի շարք միջոցառումներ են նախատեսվում։ *** Շառլ Ազնավուրը նշանավոր ֆրանսահայ շանսոնիե, երգիչ, երգահան, կինոդերասան եւ հասարակական գործիչ է։ Նա Հայաստանի ու հայ ժողովրդի նվիրյալն է, ինչը բազմիցս ապացուցել է իր հայրենապաշտ գործունեությամբ։ 1988 թվականին Սպիտակի ավերիչ երկրաշարժից հետո Ազնավուրը հիմնեց բարեգործական հիմնադրամ, կազմակերպեց հանգանակություններ` զոհերի ընտանիքներին ու տուժածներին օգնելու նպատակով. հասարակական մեծ արձագանք ունեցավ 90 ֆրանսիացի երգիչների ու դերասանների մասնակցությամբ ձայնագրած «Քեզ համար, Հայաստան» տեսահոլովակը: Երեւանում Ազնավուրի անունն է կրում կենտրոնական հրապարակներից մեկը, իսկ Գյումրիում նրա արձանն է կանգնեցված: 2008 թվականի դեկտեմբերից նա Հայաստանի Հանրապետության քաղաքացի է, բացի այդ` ՀՀ դեսպանը Շվեյցարիայում: Ամսաթիվՙ 21.05.2013 Կոնտակտային անձՙ Թամարա Երզնկյան Էլ.հասցեՙcharlesaznavourfond@gmail.com |
