ՖՐԱՆՍԻԱՑԻՆԵՐԻ ԿԵՍԸ ՊԱՏՐԱՍՏ Է ԼՔԵԼ ՖՐԱՆՍԻԱՆ Պ. Ք. Economiematin.fr կայքէջի համար Ֆրանսիայում Toluna Quicksurveys հաստատության անցկացրած համացանցային հարցման արդյունքների համաձայն, ֆրանսիացիների մոտ 50 տոկոսը պատրաստ է երկիրը լքելՙ գործազրկությունից, հարկային ճնշումից, տնտեսական լճացումից խուսափելու համար: «Ֆիգարո» թերթը մանրամասնում է, որ հարցումն անցկացվել է 18-ից բարձր տարիքի 1000 անձանց շրջանում, նոյեմբերի 13-14-ը: Հարցման մասնակիցների ավելի քան 21 տոկոսը պատրաստվում է Ֆրանսիայից հեռանալ առաջիկա 3 ամսվա ընթացքում, 25 տոկոսը մտադիր է երկիրը լքել 6 ամսվա, 20 տոկոսըՙ 1 տարվա, 8 տոկոսըՙ 2 տարվա, 9 տոկոսըՙ 5 տարվա ընթացքում: Հարցման մասնակիցների զգալի մասը կուզենար մեկնել հնարավորինս շուտՙ ընթացիկ գործերը կարգավորելուց հետո: Հեռանալու մասին չի մտածում հարցման մասնակիցների միայն 16 տոկոսը: Ֆրանսիացիների 30 տոկոսը կուզենար մեկնել ԱՄՆ եւ Կանադա, 28 տոկոսըՙ եվրոպական որեւէ այլ երկիր: | 
