ԴԵՐՍԻՄԸ ՔՐԴԵՐԸ ԻՆՔՆԱՎԱՐ ԵՆ ՀՌՉԱԿԵԼ Ան. Հ. Ինչպես ծանուցում է քրդական rudaw. net կայքը Էրբիլից ստացված տեղեկատվության համաձայն, Քրդստանի աշխատավորական կուսակցությունըՙ PKK-ն հայտարարել է, թե Թուրքիայի Դերսիմ նահանգը հռչակում է ժողովրդավար ինքնավար մարզ, երեքշաբթի օգոստոսի 18- ին գլխավոր մայրուղում անցակետեր տեղադրելով վերահսկում է մարզ տանող զարկերակը:Հիշյալ կայքը նաեւ տեսանյութ է տեղադրել:Հուլիսին թուրք զինվորականության եւ PKK-ի մարտիկների միջեւ սրվել էր իրադրությունըՙ երկուստեք զոհեր գրանցելով: Քրդական հիշյալ լրատվամիջոցը իրազեկում է նաեւ, թե երեքշաբթի Հաքքարիում քուրդ զինյալները սպանել են անվտանգության 32 թուրք աշխատակցիՙ 5 զոհ տալով: Թուրքական կողմը հաղորդում է 1 զոհի եւ բազմաթիվ վիրավորների մասին: Թուրքական լրատվամիջոցների հաղորդմամբ, երեքշաբթի քրդերով բնակեցված Դողուբայազիտում ցույցի ժամանակ մասնակիցները հայտարարել են, թե շրջանը իրենք են կառավարելու: |
