ՌՈՒՍ- ԹՈՒՐՔԱԿԱՆ «ՊԱՏԱՀԱԿԱՆ» ՈՂԲԵՐԳՈՒԹՅՈՒՆ ՍԻՐԻԱԿԱՆ ՃԱԿԱՏՈՒՄ Ան. Հ., Գերմանիա Ռուսական օդուժիՙ Հյուսիսային Սիրիայում իրականացրած ռմբակոծության հետեւանքով զոհվել է 3 թուրք զինվոր, վիրավորվելՙ 11- ը, ծանր է նրանցից մեկի վիճակը, փետրվարի 9- ին փոխանցում են գերմանական լրատվամիջոցները: Ռուսաստանի նախագահ Պուտինը զանգահարել, ցավակցել է իր պաշտոնակից Էրդողանինՙ Ալ Բաբ քաղաքի մերձակայքում տեղի ունեցած «ողբերգական միջադեպի» առիթով: Թուրքական կողմի հաղորդագրության համաձայնՙ ռուսական ինքնաթիռը «պատահաբար» է հարվածել այն շինությանը, որտեղ գտնվել են թուրք զինծառայողները:Միջադեպի հանգամանքները հետաքննելու են 2 երկրների համապատասխան մարմինները: Թուրքական բանակը շաբաթներ ի վեր դիրքավորվել է ԻՊ վերահսկողության տակ գտնվող Ալ Բաբում, որտեղ վերջին օրերի թեժ մարտերում արդեն զոհվել է 10 թուրք զինվոր: |
