Տեղադրվել է` 2017-02-09 23:21:54 (GMT +04:00)

Ընթերցված է` 5394, Տպվել է` 492, Ուղարկվել է էլ.փոստով` 0

ՎԱԽՃԱՆՎԵԼ Է ՑԵՂԱՍՊԱՆՈՒԹՅԱՆ 107-ԱՄՅԱ ՎԵՐԱՊՐՈՂԸ

Հ. Ծ.

Մոնրեալից Ջոշ դը Հաասը CTV լրատվամիջոցով հաղորդում է, որ հունվարի 19-ին վախճանվել է Կանադայում ապրող, Հայոց ցեղասպանությունից փրկված ամենատարեց (107 տարեկան) վերապրողըՙ Քնար Բոհջալյան-Եմենիջյանը , ով ընդամենը 6 տարեկան է եղել Եղեռնի ժամանակ եւ փրկվել է, որովհետեւ հոր թուրք ընկերներից մեկը զգուշացրել է, որ փախչեն եւ թաքնվեն մի գոմում` ոչխարների եւ կովերի ընկերակցությամբ: Հետագայում ստիպված են եղել ընդունել իսլամը, փոխել իրենց անունները եւ ճանապարհ ընկնել դեպի Ալեքսանդրիա (Եգիպտոս), որտեղ ապրել են մինչեւ 1971 թիվը, երբ տեղափոխվել են Կանադա:

Նրա հարազատները հիշում են, որ Քնարը շատ է սիրել գիրք կարդալ, որովհետեւ, բացատրել է նա, «մանկությանս զրկված եմ եղել այդ հնարավորությունից»:

Հայոց ցեղասպանության 100-ամյա տարելիցին, 2015 թվին, Քնարը կանադահայ այն փոքրաթիվ վերապրողներից է եղել, որ մասնակցել է «Parliament Hill»-ում կազմակերպված հիշատակի արարողությանը:

Քնար Եմենիջյանի մահվան առիթով նրա հարազատներին ցավակցական նամակ է հղել Մոնրեալից խորհրդարանի պատգամավոր, քաղաքի մշակույթի նախարար Մելանի Ժոլին:

«Ազգը» նույնպես վշտակցում է հարազատներին:

Նկար 2. Քնար Բոհջալյան-Եմենիջյանը իր ընտանիքի հետ, 1931 թ.