Տեղադրվել է` 2014-05-08 22:47:15 (GMT +04:00)

Ընթերցված է` 1902, Տպվել է` 37, Ուղարկվել է էլ.փոստով` 36

«ՄԱՅԻՍՅԱՆ ՀԱՂԹԱՆԱԿՆԵՐ» ՆՈՐ ՑՈՒՑԱԴՐՈՒԹՅՈՒՆ

Աննա ՄԱՐՏԻՐՈՍՅԱՆ, Գիտական գրադարանի ավագ մատենագետ

Խաչատուր Աբովյանի անվան հայկական պետական մանկավարժական համալսարանի գիտական գրադարանում բացվել է «Մայիսյան հաղթանակներ» նոր ցուցադրությունը:

Ցուցադրության են դրվել Հայաստանում, Արցախում եւ այլուր տպագրված ավելի քան 130 հայերեն, ռուսերեն, անգլերեն լեզուներով գիտական հանրագիտարաններ, մենագրություններ, գեղարվեստական գրքեր:

Ներկայացված են 1918 թ-ի մայիսին Սարդարապատում, Ապարանում, Վանաձորում հայ ժողովրդի տարած հաղթանակների մասին պատմող գրքեր:

Թեմատիկ դարակով ներկայացված են Երկրորդ համաշխարհային պատերազմին հայ ժողովրդի մասնակցությունը պատկերող գրքերը:

Այստեղ առաջնային են մարշալ Հովհաննես Բաղրամյանի հեղինակած եւ նրա, ինչպես նաեւ մարշալներ Համազասպ Բաբաջանյանի, Արմենակ Խանփերյանցի, Խորհրդային Միության ծովակալ-մարշալ Հովհաննես Իսակովի մասին գրքերը: Գեներալ Աշոտ Ղազարյանի գրքերը պատմում են հայ ականավոր զորահրամանատարների մասին: Ներկայացված են պատերազմի մասնակից Հայաստանի ուսուցիչների մասին գրված հատորները:

Մի քանի տասնյակից ավելի գրքեր ներկայացնում են Արցախյան ազատամարտն ու հայ ժողովրդի տարած հաղթանակը, որի արդյունքում այսօր ունենք Հայաստանի նորոգ պետականությունը: Այս բաժնում ներկայացված են Արցախյան ազատամարտի մասին պատմող հանրագիտարանը, Հայաստանում եւ Արցախում տպագրված հերոսամարտի հերոս-զոհերի մասին պատմող հանրագիտարանները, հերոսամարտի մասնակիցներին նվիրված գրքերը, հուշերը: