«ԽՈՍՏՈՒՄԸ» ԿՑՈՒՑԱԴՐՎԻ ԴԵԿՏԵՄԲԵՐԻՆ Հ. Ծ. Հայոց ցեղասպանության մասին ամերիկահայ մեծահարուստ բարեգործ Քըրք Քըրքորյանի նախաձեռնությամբ նկարահանվող «Խոստումը» կինոնկարը ավարտվել է եւ ըստ «Արմինյն Միրոր-Սփեքթեյթր» շաբաթաթերթիՙ ամերիկյան էկրաններին կցուցադրվի այս տարվա դեկտեմբերին: Քըրքորյանի հիմնած «Սըրվայվր Պիկչըրզ» (Survivor Pictures) կինոստուդիայի թողարկած ֆիլմում հանդես են գալիս «Գոլդըն Գլոբի» մրցանակակիր Օսկար Այզակը եւ օսկարակիր Քրիստիան Բեյլը: Մյուս դերասանների թվում են Շարլոտ լը Բոնը, Ջեյմս Կրոմվելը, Ժան Ռենոն, Շոհրե Աղդաշլուն եւ Անժելա Սարաֆյանը: Սցենարիստն է ծննդով իռլանդացի Թերի Ջորջը («Ռուանդա հյուրանոցը») Ռոբին Սվիկորդի համագործակցությամբ: Ջորջը 2013-ին այցելել է Հայաստան: «Քըրքը կհպարտանար այս ֆիլմով», ասել է կինոստուդիայի կառավարիչներից Էրիկ Իսրայելյանը: | 
