«ՍՊԻՏԱԿ» ՖԻԼՄԸ ՀԱՎԱՆՈՒԹՅԱՆ ԱՐԺԱՆԱՑԱՎ Հայաստանի ազգային կինոկենտրոն Հայաստանի կողմից ներկայացված առաջինՙ հայ-ռուսական համատեղ արտադրության «Սպիտակ» ֆիլմի նախագիծն արժանացել է Եվրոմաժի կառավարման խորհրդի հավանությանը եւ կստանա 250 հազար եվրո արժողությամբ ֆինանսական աջակցություն: Եվրոպական այս հզոր կինոկառույցին Հայաստանն անդամակցել է 2016 թվականից, եւ «Սպիտակն» առաջին հայկական կինոնախագիծն է, որը ներկայացվեց Եվրիմաժում ու առաջին իսկ փորձից ունեցավ հաջողություն: Եվրիմաժի կողմից հատկացվելիք 250 հազար եվրոյի 79 %-ը կազմում է ռուսական մասնաբաժինըՙ (ելնելով ներդրված գումարի չափից), իսկ մնացած 21%-ը հայկական մասն է: 250 հազար եվրոն ֆիլմի նախահաշվի ընդհանուր բյուջեի պակաս գումարն է, որի շնորհիվ էլ կլրանա ընդհանուր բյուջեն: Նշենք, որ երկու դեպքում էլ գումարները ծախսվելու են բացառապես ֆիլմի վրա: Դեկտեմբերյան երկրաշարժը աննախադեպ իրավիճակ ստեղծեց ամբողջ Սովետական Միությունում. երկաթե վարագույրը բարձրացավ, վիզային խիստ ռեժիմը թուլացավ, միանգամից կորցրեց ուժն ու ստեղծվեց անխոչընդոտ տեղաշարժի աննախադեպ իրավիճակ: Հայաստանը պարուրած սոսկալի աղետը իր հետ բերեց այլ հարաբերություններ ու ժամանակներ, ջնջվեցին սահմաններն ու մեկ մարդու ողբերգությունը դարձավ բոլորինը: Առանց սահմանների աշխարհն ու նրա բնակիչները միավորվեցինՙ փրկելու մարդուն ու մարդկանց մոլորակը: Ֆիլմի ռեժիսորն է Ալեքսանդր Կոտը, սցենարի հեղինակըՙ Մարինա Սոչինսկայան, օպերատորըՙ Պյոտոր Դուխովսկոյը, կոմպոզիտորըՙ Կարեն Մարգարյանը, պրոդյուսերներըՙ Ելենա Գլիկման, Թերեզա Վարժապետյանը: Հ.Գ. Հայկական կինոյի ու կինոարտադրության համար բացվում են նոր հնարավորություներ եւ զարգացման հեռանկարներ: | 
