ԲԱԿՈ ՍԱՀԱԿՅԱՆԻ ԱՄՆ ԱՅՑԻՆ ԲԱՔՎԻՑ ԱՐՁԱԳԱՆՔՈՒՄ Է... ԹՈՒՐՔԻԱՆ ԱՆԱՀԻՏ ՀՈՎՍԵՓՅԱՆ, Գերմանիա «Բաքվից Թուրքիայի վարչապետ Յիլդըրըմը ԼՂ հարցով կարեւոր հայտարարություն է արել, մարտի 15-ին հաղորդում է թուրքական TRT ռադիոհեռուստատեսության կայքէջի գերմաներեն տարբերակըՙ հետեւյալը զետեղելովՙ «Ցեղասպանությունը հանցագործություն է, ինչը էթնիկ մաքրազտման հետ 1992-ից ի վեր ԼՂ-ում է իրականացվում, դրա համար Հայաստանը պիտի պատժվի: Այդ գործընթացին մի օր Ադրբեջանը վերջ է տալու, բազմաթիվ կազմակերպություններ Ադրբեջանի կողքին են»: «ԼՂ գրավյալ տարածքներում վերաբնակեցրել են ահաբեկիչների, եթե այնտեղից եղբայրական Ադրբեջանի կամ Թուրքիայի հանդեպ սպառնալիք լինի, անպատասխան չի մնալու»: Երկու պետությունները համագործակցելու են անվտանգության եւ ահաբեկիչների դեմ պայքարի հարցում, ասել է Յիլդըրըմըՙ քննադատելով ԱՄՆ-ինՙ ԼՂ-ի հարցում մերձեցման քաղաքականությունը: Վաշինգտոնը Երեւանին պատասխանատվության ենթարկելու փոխարեն պարգեւատրում է, ասել է Թուրքիայի վարչապետը: Բակո Սահակյանի ԱՄՆ այցը փաստորեն նման ջղաձգության պատճառ է դարձել: |
