ԿԱՆԽԱՏԵՍՈՒՄՆԵՐ ՆԱՎԹԱՅԻՆ ՊԱՏԵՐԱԶՄԻ ԱՌՆՉՈՒԹՅԱՄԲ

RSS | FACEBOOK | NLA

#009, 2020-03-06 > #010, 2020-03-13 > #011, 2020-03-20 > #013, 2020-05-08

«ԱԶԳ» ՕՐԱԹԵՐԹ #11, 20-03-2020

Տեղադրվել է` 2020-03-19 22:53:43 (GMT +04:00)

Ընթերցված է` 3040, Տպվել է` 322, Ուղարկվել է էլ.փոստով` 0

ԿԱՆԽԱՏԵՍՈՒՄՆԵՐ ՆԱՎԹԱՅԻՆ ՊԱՏԵՐԱԶՄԻ ԱՌՆՉՈՒԹՅԱՄԲ

Ա. ՔԵՇԻՇՅԱՆ

Նավթահանույթը կրկին կրճատելուց Ռուսաստանի հրաժարումը եւ դրան հաջորդած իրադարձությունները տարատեսակ մեկնաբանությունների տեղիք են տալիս փորձագետների շրջանում: Հիշեցնենք, որ մարտի վերջին OPEC-ի երկրները եւ Ռուսաստանը չկարողացան փոխհամաձայնության գալ նավթարդյունահանման ծավալների կրճատման հարցում: Ռուսաստանի էներգետիկայի նախարարությունում պարզաբանում են, որ քննարկվել է երկու սցենար ռուսական տարբերակը ենթադրում էր գործող սահմանափակումների շարունակում, իսկ սաուդյանըՙ նավթարդյունահանման հետագա կրճատում: Մոսկվայում ռուսական տարբերակն ավելի մեղմ են համարում կորոնավիրուսի պատճառով ծագած տնտեսական ճգնաժամի պայմաններում: Սակայն կողմերին չհաջողվեց լուծում գտնել:

Սկսվեց նավթի գների անկումՙ հասնելով 1991 թվականից ի վեր նվազագույն մակարդակին: Արագորեն հայտնվեցին այնպիսի հասկացություններ, ինչպիսիք են «գների պատերազմը նավթի շուկայում», «ճակատամարտը հանուն էներգառեսուրսների շուկայի», «նավթային պատերազմը»: Քաթարյան Al Jazeera հեռուստաընկերությունը նշում է, որ չնայած արտաքին նմանությանը, դրանք որոշակիորեն տարբերվում են: Գների պատերազմը առաջարկն է շուկայականից ցածր գներով: Գների պատերազմը պարտադիր չէ, որ հանգեցնի նավթային պատերազմի: Al Jazeera-ն նման պատերազմ համարում է այն վիճակը, երբ վնաս է հասցվում նավթ արտադրող գլխավոր երկրներին, ինչը դրդում է ձեռնարկել քաղաքական կամ տնտեսական կոնկրետ միջոցներ: Տնտեսագիտական գրականության մեջ դա անվանում են «դեմպինգ» կամ հարեւանի սնանկացում:

Այս իմաստով մեկ ճակատամարտ արդեն շահված է: Ինչպես գրում է ամերիկյան The National Interest հրատարակությունը, ԱՄՆ-ում թերթաքարային վառելիքի արդյունահանումը կորցրել է տնտեսական իմաստը շահութաբերության կորստյան պատճառով, ինչպես նաեւ հավելյալ հարված է հասցվել արտահանական ենթակառույցին:

Եթե խոսենք Սաուդյան Արաբիայի եւ Ռուսաստանի հակամարտության մասին, ապա որոշ փորձագետներ Էր-Ռիադի դիրքերը համարում են թույլ, քանի որ երկրի պետական բյուջեն հաշվարկված է մեկ բարելը 85 դոլարով, եւ ցածր գների դեպքում երկիրը կարող է սնանկանալ: Մյուսները վստահ են, որ անհրաժեշտության դեպքում ԱՄՆ-ը փողերով կհեղեղի Սաուդյան Արաբիան, քանի որ իրենց հաջողվեց հրահրել Մոսկվային: Ուրիշներն էլ կարծում են, որ իրադարձությունների ներկայիս ընթացքը անակնկալ չէ Ռուսաստանի համար, նա շատ բան հաշվարկել է բյուջեի տեսակետից, ունի ոսկու եւ արտարժույթի պատկառելի պաշար: Պարզվում է ռուսները ամենքից լավ են պատրաստ նավթի ցածր գներինՙ դրա արդյունահանման էժանության պատճառով:

Ինչպես գրում է The Washington Post թերթը, ուրիշ իրավիճակ կծագի, եթե Մոսկվան եւ Էր-Ռիադը, որոնք ներկայումս բաժանված են, միավորվեն ընդդեմ ԱՄՆ-ի: Բայց ամեն դեպքում թերթը ենթադրում է, որ, ճգնաժամի շարունակման դեպքում Մոսկվան դժվար թե առաջինը դուրս գա մրցատարածքից: Ըստ որում, Forbes հանդեսը գտնում է, որ Սաուդյան Արաբիան այնուամենայնիվ սխալ գործեցՙ սեփական մարտավարությունը ներկայացնելով որպես Ռուսաստանի գործողությունների հակազդեցություն: Հենց այդ պատճառով շուկան վերջին իրադարձությունները ընկալեց որպես աղետ:

Ի հայտ եկան նույնիսկ դավադրության տեսություններ այն մասին, թե Մոսկվան եւ Էր-Ռիադը գաղտնի գործարք են կնքել դոլարն էժանացնելու նպատակով: Որոշ փորձագետներ կարծում են, որ նավթի գինը կարող է վերադառնալ մեկ բարելի դիմաց 60 դոլարի, բայց դա կլինի արդեն ուրիշ դոլար: Չինական «Ժենմին ժիբաո» թերթը կարծում է, որ նավթի գների անկումը միայն սկիզբն է, իսկ կորոնավիրուսի հետ զուգորդվելովՙ դա ստեղծում է պատմության մեջ աննախադեպ աշխարհաքաղաքական խառնուրդ:

«ԱԶԳ» ՕՐԱԹԵՐԹ #11, 20-03-2020
2020-03-20	ՍՏԻՊՎԱԾ ԵՆՔ ՓՈԽՎԵԼ
2020-03-20	ՍԱՀՄԱՆԱՓԱԿՈՒՄ ԲԺՇԿԱԿԱՆ ՊԱՐԱԳԱՆԵՐԻ ԵՎ ՍԱՐՔԱՎՈՐՈՒՄՆԵՐԻ ԱՐՏԱՀԱՆՄԱՆ ՎՐԱ
2020-03-20	ՆՈՐ ԱՇԽԱՐՀԱԿԱՐԳԻ ՍԱՀՄԱՆՄԱՆ ՆԱԽՕՐԵԻՆ, ԿԱՄ ԻՆՉ ՏԵՂԻ ԿՈՒՆԵՆԱ, ԵՐԲ ԱՎԱՐՏՎԻ ՀԱՄԱՃԱՐԱԿԸ
2020-03-20	ՓԱԿ ՍԱՀՄԱՆՆԵՐՈՎ ԱՇԽԱՐՀ ԵՎ ՀԱՅԱՍՏԱՆ
2020-03-20	ԲԱՆԱԳՈՂՈՒԹԻՒՆ
2020-03-20	ՄԵԿ ՄԵՏՐ
2020-03-20	ՄԻ ՈՒՐՎԱԿԱՆ Է ՇՐՋՈՒՄ ԳԼԵՆԴԵԼՈՒՄ, ԹԱԳԱԲԱՑԻԼԻ ՈՒՐՎԱԿԱՆԸ
2020-03-20	ԴԵՂԱՏԱՆ ԱՇԽԱՏՈՂՆ ԷԼ ՊԵՏՔ Է ՊԱՇՏՊԱՆՎԱԾ ԼԻՆԻ
2020-03-20	ՄԵԶ ՓՈՂՈՑԻ ԴԱՏԱՐԱՆՆԵՐ ՊԵՏՔ ՉԵՆ
2020-03-20	ՉՓՌՇՏԱԼ ԵՎ... ՎՍՏԱՀԵԼ ԻՇԽԱՆՈՒԹՅԱՆԸ
2020-03-20	ԷՐԴՈՂԱՆԻ ԻՇԽԱՆՈՒԹՅՈՒՆՆԵՐԸ ԽՆԱՄՔՈՎ ՔՈՂԱՐԿՈՒՄ ԵՆ ԹՈՒՐՔԻԱՅՈՒՄ ԿՈՐՈՆԱՎԻՐՈՒՍԻ ՏԱՐԱԾՄԱՆ ԻՐԱԿԱՆ ՊԱՏԿԵՐԸ
2020-03-20	«21-ՐԴ ԴԱՐԸ ԴԱՐՁՆԵԼՈՒ ԵՆՔ ԹՈՒՐՔԻԱՅԻ ԴԱՐ»
2020-03-20	ՀԱՅՈՑ ՊԱՏՄՈՒԹՅԱՆ ՕՐԱՑՈՒՅՑԻՙ ԱԶԳԱՅԻՆ ՍԽՐԱՆՔԻ ԵՎ ԱԶԳԱՅԻՆ ԱՆԱՐԳԱՆՔԻ ԵՐԿՈՒ ՀԱՋՈՐԴԱԿԱՆ ՕՐԵՐԸ
2020-03-20	ԺԱՄԱՆԱԿԱԿԻՑ ԱՇԽԱՐՀԸՆԿԱԼՈՒՄՆԵՐԸ ԵՎ ՄԵՆՔ
2020-03-20	ՍՏԵՊՂԻՆԻՑ ՄԻՆՉԵՎ ԱՐՀԵՍՏԱԿԱՆ ԱՐԵՎ
2020-03-20	ԽՈՒՍԱՓԵՆՔ ԱՎԵԼՈՐԴ ԾԱԽՍԵՐԻՑ
2020-03-20	«ԹՈՒՐՔԻԱՅԻ ՀԱՏՈՒԿ ԾԱՌԱՅՈՒԹՅՈՒՆՆԵԸ ԿԱՏԱՐՈՒՄ ԵՆ ԻՐԵՆՑ ԱՌԱՔԵԼՈՒԹՅՈՒՆԸ»
2020-03-20	ԻՏԱԼԻԱՅՈՒՄ ԲԱՆԱԿԸ ՆԵՐԳՐԱՎՎԱԾ Է ՊՍԱԿԱՎԱՐԱԿԱՅԻՆ (ԿՈՐՈՆԱՎԻՐՈՒՍ) ԽՌՈՎՈՒԹՅՈՒՆՆԵՐԸ ՃՆՇԵԼՈՒՆ
2020-03-20	ՎՈՒԴՐՈ ՈՒԻԼՍՈՆՆ ՈՒ ՀՈՎՍԵՓ ՓՈՒՇՄԱՆԸ
2020-03-20	ՄԵՐ ԱՅՍՕՐԸ
2020-03-20	ԿԱՆԽԱՏԵՍՈՒՄՆԵՐ ՆԱՎԹԱՅԻՆ ՊԱՏԵՐԱԶՄԻ ԱՌՆՉՈՒԹՅԱՄԲ
2020-03-20	ԵՐԲ ԵՎ ԻՆՉՊԵՍ ԹՈՒՐՔԻԱՆ ԿՀՐԱԺԱՐՎԻ ՌՈՒՍԱԿԱՆ ԳԱԶԻՑ
2020-03-20	ՉԻՆ ՊԱՇՏՈՆՅԱՆ COVID-19-Ի ՀԱՄԱՐ ՄԵՂԱԴՐՈՒՄ Է ԱՄՆ-ԻՆ
2020-03-20	ԹՈՒՐՔԻԱՅՈՒՄ ԿԱՐԱՆՏԻՆԸ ԽԱԽՏՈՂՆԵՐԸ ԿԿԱՆԳՆԵՆ ՕՐԵՆՔԻ ԱՌՋԵՎ
2020-03-20	ՏԱՐԱԾՈՒԹՅՈՒՆ ՊԱՀԵՆՔՙ Ի ՍԵՐ ՄԻՄՅԱՆՑ
2020-03-20	ՁՈՆՙ ՊԵՏԱԿԱՆ ԵՎ ՔԱՂԱՔԱԿԱՆ ԳՈՐԾԻՉ Տ.Գ.Թ. ՍԵՐԳՈ ԱՌԱՔԵԼԻ ՆԱԶԻՆՅԱՆԻՆ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ