«ՀԻՆ ԳԱՅԼԵՐԸ» ԱՌԱՋՆԱԳԾՈՒՄ ԵՆ. «ՌԵՄԲՈՆ» ՃԱԿԱՏՈՒՄ ԿՌՎՈՒՄ Է...

RSS | FACEBOOK | NLA

#032, 2020-10-09 > #033, 2020-10-16 > #034, 2020-10-23 > #035, 2020-10-30 > #036, 2020-11-06

«ԱԶԳ» ՕՐԱԹԵՐԹ #34, 23-10-2020


	Տեղադրվել է` 2020-10-22 23:02:43 (GMT +04:00)
Ընթերցված է` 1302, Տպվել է` 5, Ուղարկվել է էլ.փոստով` 0
«ՀԻՆ ԳԱՅԼԵՐԸ» ԱՌԱՋՆԱԳԾՈՒՄ ԵՆ. «ՌԵՄԲՈՆ» ՃԱԿԱՏՈՒՄ ԿՌՎՈՒՄ Է... ԳՈՀԱՐ ՊԵՏՐՈՍՅԱՆ, ՀՊՄՀ Լրագրության բաժնի 3-րդ կուրսի ուսանողուհի Ցանկացած պատերազմի շարժիչ ուժը առաջին հերթին մարդն է, այն մարդը, որի հավատը իր առաքելության նկատմամբ թույլ է տալիս հաղթահարել վախը, նայել մահվան աչքերին, չընկճվել եւ դիմագրավել հակառակորդին: Այս պատերազմը արդեն բազմաթիվ հերոսներ է տվել, որոնք նայելով մահվան աչքերին, ստորադասելով սեփական կյանքն ու բարեկեցությունը հայրենիքի պաշտպանության միասնական առաքելությանը, կռիվ են տալիս գերակշիռ հակառակորդի դեմ, նրան ծանր կորուստներ պատճառում, եւ ի վերջո խաղաղություն են պարտադրելուՙ արդեն մե՛ր պայմաններով: Ապարան քաղաքի մոտ Վարդենիս գյուղը շատ ազատամարտիկներ է տվել հայրենիքին դեռ 1918 թվականից: Այդ կռիվներին մասնակցել է 450-500 տղամարդ ու պատանի, մանավանդ որ ճակատի գիծը գյուղից հեռու էր ընդամենը 800 մետր: Հայրենիքին նվիրվածությունը վարդենիսցիները ցուցադրել են նաեւ 1941-1945 թվականների Երկրորդ համաշխարհային պատերազմի տարիներին: Վարդենիսցի 362 տղամարդ եւ մեկ կին է մասնակցել գերմանական ֆաշիստների դեմ ծավալված պատերազմին: Նրանցից 131-ը զոհվել էՙ ապահովելով ֆաշիզմի դեմ տարած հաղթանակը: Վարդենիսի երկու տասնյակից ավելի զավակներ մասնակցել են Արցախյան ազատամարտինՙ պաշտպանելով Հայոց հողը, անկախ ապրելու իրավունքը, մեր Երկրորդ Հանրապետության սահմանների անձեռնմխելիությունը: Այսօր էլ վարդենիսցիները ամուր կանգնած են Հայրենիքի եւ հայ ազգի կողքին. կամավորականների մի խումբ մեկնել է ռազմաճակատ, որտեղ սահմանին կանգնած ենՙ իրենց երեխաների եւ ազգի թիկունքին: Վարդենիսցի Ներսիկ Աղաբաբյանը Արցախյան առաջին պատերազմի մասնակից է` հայտնի «Ռեմբո» մարտական անունով: Անմնացորդ նվիրվել է հայրենիքին եւ ինչպես վայել է իսկական հայ ազատամարտիկինՙ չի երազում ո՛չ անուն, ո՛չ վարձատրություն: Առաջին պատերազմից վերադարձել է առանց մեդալների, առանց կոչումների ու դափնիների: Ազատ հայրենիքն է իր համար գլխավոր դափնին: Սեպտեմբերի 27-ին ,երբ սկսվեց պատերազմը, «Ռեմբոն» նույն ինքն ՙՆերսիկ Աղաբաբյանը, մեկնեց ռազմաճակատ: Նրա կինը պատմում է. «Ներսիկը այդ առավոտյան աշխատանքի էր. նա ինձ զանգեց եւ ասաց, որ պատրաստեմ զինվորական համազգեստը եւ անհրաժեշտ մի քանի իրեր եւ ասաց, որ դրանց հետեւից մարդ է գալու, կտաս, կբերի. Ղարաբաղում կռիվ ա, գնում եմ»: Նրան լավ ճանաչելով ավելորդ հարցեր չտվեցի եւ միայն ասացի Աստված հետդ, գնա, հասի՛ տղայիդ ու անփորձանք հետ արի: Մեր փոքր տղան 8-9 ամիս էր ծառայում բանակում, սակայն անաստված պատերազմը տղայիս տարավ հավերժության գիրկը, առանց իր հորըՙ տղայիս հողին հանձնեցինք,- պատմում էր Ներսես Աղաբաբյանի կինը: «Ռեմբոն» ընտանիքի հետ հեռախոսակապ է ունեցել պատերազմական առաջին երկու օրերին եւ դրանից հետո ընտանիքիը ոչ մի տեղեկություն չունի նրա մասին: Միայն խոսակցություններ են պտտվում, որ նա մարտական որեւէ հստակ գոտում երկար ժամանակ չի մնում. Նրա մարտական ընկերները ասում են, որ «Ռեմբոն» այնտեղ է, որտեղ մարտերը կատաղի են: Մինչ օրս ընտանիքը աղոթում է եւ հույսով սպասում ազատամարտիկի վերադարձին: Մեր բոլորիս գործն է սակայն այս փառահեղ տղերքին մենակ չթողնել հակառակորդին դեմ հանդիման, եւ միասնաբար կռել հաղթանակը, նեցուկ կանգնել վիրավորներին եւ զոհվածների ընտանիքներին, մեր լուման ներդնելով Հայ Զինվոր հիմնադրամին: Եվ ամենակարեւորըՙ մեր պատմության այս վճռորոշ պահին մեր ներսում համերաշխ լինելով, եւ միասին մեր առջեւ ծառացած խնդիրների լուծումները գտնելով, ոչ թե դրանց համար մեղավորներ փնտրելով:

«ԱԶԳ» ՕՐԱԹԵՐԹ #34, 23-10-2020
2020-10-23	ԲԱՆԱԿՑԱՅԻՆ ԳՈՐԾԸՆԹԱՑԻՑ ԱՌԱՋ ՄԵԶ ՎՆԱՍԻ ՀԱՏՈՒՑՄԱՄԲ ԵՐԱՇԽԻՔՆԵՐ ԵՆ ՊԵՏՔ
2020-10-23	ՊՈՒՏԻՆԸ ՀԱՅՏԱՐԱՐԵՑ ԶՈՀՎԱԾՆԵՐԻ ԹԻՎԸ
2020-10-23	ՊԱՏԵՐԱԶՄ ՀԱՆՈՒՆ ԽԱՂԱՂՈՒԹՅԱՆ
2020-10-23	ՄԻՋՆՈՐԴՆԵՐԸ ԿՀԱՆԴԻՊԵՆ ՎԱՇԻՆԳՏՈՆՈՒՄ
2020-10-23	«ՏԵՐ ԻՄ ԱՍՏՎԱԾ, ԴՈՒ ԻՆՁ ՊԱՇՏՊԱՆԻՐ ԻՄ ԲԱՐԵԿԱՄՆԵՐԻՑ, ԹՇՆԱՄԻՆԵՐԻՍ ԴԵՄ ԻՆՔՍ ԿՊԱՅՔԱՐԵՄ»
2020-10-23	ՔԱՐՈԶՉԱԿԱՆ ՄԵՔԵՆԱՆ
2020-10-23	ՀԻՄՆԱԽՆԴՐԻ ՄԻԱԿ ԼՈՒԾՈՒՄՆ ԱՐՑԱԽԻ ՀԱՆՐԱՊԵՏՈՒԹՅԱՆ ՄԻՋԱԶԳԱՅԻՆ ՃԱՆԱՉՈՒՄՆ Է. ԳԱՐԵԳԻՆ Բ
2020-10-23	ՊԵՏՔ Է ԶԱՐԳԱՑՆԵԼ ՀԱՋՈՂՈՒԹՅՈՒՆԸ
2020-10-23	ՀԱՄԱԳՈՐԾԱԿՑԵԼ ԲՈԼՈՐ ԼԵԳԻՏԻՄ ՈՒԺԵՐԻ ՀԵՏ
2020-10-23	ԱՐՑԱԽԸ ՄԱՐՏՆՉՈՂ ՀՍԿԱՆԵՐԻ ՀԱԿԱՄԱՐՏՈՒԹՅԱՆ ԳԾՈՒՄ
2020-10-23	«ԻՆՁ ԲԱՑԱԿԱ ՉԴՆԵՔ». ՀՐԱԺԵՇՏ ՎԱՀԱՆ ՔՈՉԱՐԻՆ
2020-10-23	ԳՐՔԻ ԱՇԽԱՏԱՎՈՐԸ
2020-10-23	ՓԼՈՒԶՎԱԾ ՏՆԵՐ ԵՎ ԱՄՈՒՐ ՄԱՐԴԻԿ
2020-10-23	ԿԵՍԴԱՐՅԱ ՀՈԲԵԼՅԱՆ
2020-10-23	«ԻՆՍՏԱԳՐԱԴ»-Ը ԽՈՑԵԼ Է ՍՈՑՑԱՆՑԸ
2020-10-23	ՊԱՏԵՐԱԶՄՈՒՄ ԲՈԼՈՐՍ ՄԵԿ ԱՆՈՒՆ ՈՒՆԵՆՔ...
2020-10-23	ՊԱ՛Պ, ԹՈՒՐՔԻՆ ԿՐԱԿԵ՞Լ ԵՍ... ՔԱՆԻ՞ ՀԱՏ ԵՍ ԿՐԱԿԵԼ
2020-10-23	«ՈՍԿԻՆ ԿՐԱԿԻ ՄԵՋ Է ՓՈՐՁՎՈՒՄ, ԻՍԿ ԲԱՐԵԿԱՄԸ` ՆԵՂՈՒԹՅԱՆ»
2020-10-23	«ԱՆԿԱԽ ԱԴՐԲԵՋԱՆԻ ԿԱԶՄՈՒՄ ԼՂ ՉԻ ԵՂԵԼ. ԷԼ Ի՞ՆՉ ՄԱՍ»
2020-10-23	ՉԵԽԻԱՆ ՊԵՏՔ Է ԱՆՀԱՊԱՂ ԴԱԴԱՐԵՑՆԻ ԶԵՆՔԻ ՈՒ ՌԱԶՄԱԿԱՆ ՏԵԽՆԻԿԱՅԻ ԱՐՏԱՀԱՆՈՒՄԸ ԹՈՒՐՔԻԱ. ԿՈՉ ԵՆ ԱՐԵԼ ՉԵԽԱԿԱՆ ՈՉ ԿԱՌԱՎԱՐԱԿԱՆ ԿԱԶՄԱԿԵՐՊՈՒԹՅՈՒՆՆԵՐԸ
2020-10-23	ՀՀ ՊԱՐԵՆԱՊԱՀՈՎՈՒԹՅՈՒՆԸՙ ՈՉ ԸՆԴՀԱՆՐԱԿԱՆ ՀԱՎԱՍՏԻԱՑՈՒՄՆԵՐՈՎ
2020-10-23	ՓՈՂՀԱՐ ՄԱՅՔԼ ՍԱՐՅԱՆԻ «ՆՈՐ ԱՐՇԱԼՈՒՅՍ» ԱԼԲՈՄԸ
2020-10-23	ԺՊԻՏ-ՍԵՐՈՒՆԴ
2020-10-23	«ՀԻՆ ԳԱՅԼԵՐԸ» ԱՌԱՋՆԱԳԾՈՒՄ ԵՆ. «ՌԵՄԲՈՆ» ՃԱԿԱՏՈՒՄ ԿՌՎՈՒՄ Է...
2020-10-23	ՓԵՆՋԱԲՑԻ ՌԵՍՏՈՐԱՆԱՏԵՐԸ ԶՈՐԱԿՑՈՒՄ Է ՀԱՅԵՐԻՆ
2020-10-23	ՅԱԽՇԻ, ՅԱԽՇԻ, ՇԱՐՈՒՆԱԿԵՔ ԱՅԴՊԵՍ ՔԱՐՈԶԵԼ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ