ԱՊԱՐԱՆԻՑ ՎԱՀԵՆ ԵՎՍ ԲԱՐՁՐԱՑԱՎ ԵՐԿԻՆՔ...

RSS | FACEBOOK | NLA

#033, 2020-10-16 > #034, 2020-10-23 > #035, 2020-10-30 > #036, 2020-11-06 > #037, 2020-11-13

«ԱԶԳ» ՕՐԱԹԵՐԹ #35, 30-10-2020

Տեղադրվել է` 2020-10-29 22:46:35 (GMT +04:00)

Ընթերցված է` 1017, Տպվել է` 10, Ուղարկվել է էլ.փոստով` 0

ԱՊԱՐԱՆԻՑ ՎԱՀԵՆ ԵՎՍ ԲԱՐՁՐԱՑԱՎ ԵՐԿԻՆՔ...

ԳՈՀԱՐ ՊԵՏՐՈՍՅԱՆ, ՀՊՄՀ Լրագրության բաժնի 3-րդ կուրսի ուսանողուհի

Օրհասական այս օրերին յուրաքանչյուր զինվորի կորուստ անասելի ցավ է: Այսօր էլ անպարտների անմահ երամին միացավ Վահե Աղաբաբյանը : Ծնունդով Արագածոտնի մարզի Վարդենիս գյուղից, լեռնական պարզությամբ մի երիտասարդ, որի համար հող հայրենին թանկ էր սեփական կյանքից, պայծառ ապագայի երազանքներից եւ առհասարակ այս աշխարհի ամեն նյութական բարիքից: Նա երեկ կդառնար 19 տարեկան:

Դպրոցում սիրված աշակերտ էր.սովորում էր այն, ինչը իրեն հանձնարարվում էր: Ընկերների խոսքով չափից շատ անկեղծ, մաքուրսիրտ, խելոք եւ անշառ տղա էր, որն էլ երբեմն մարդիկ շփոթում էին միամտության եւ խեղճության հետ:

Վահեն ուներ բազում երազանքներ. ցանկանում էր ծրագրավորող դառնալ. մինչեւ բանակ մեկնելը Պոլիտեխնիկական համալսարանում քննություն էր հանձնել եւ ընդունվել:

Ընկերները ասում են, որ Վահեն փոքրուց շատ է սիրել մուլտֆիլմեր նայել, նմանակել հերոսներին եւ վերջերս էլ, արդեն չափահաս, ազատ ժամանակ մուլտֆիլմեր էր դիտում:

Բանակում օրինակելի եւ կարգապահ զինվոր էր մեր հերոսը: Մեկ տարի էլ դեռ չկար, որ զորակոչվել էր եւ նահատակվեց հանուն ազատ հայրենիքի` կորստի ցավի հետ մեզ թողնելով նաեւ հպարտության զգացում:

Վահեն վիրավորվել էր մարտադաշտում. նա կորցրել էր ոտքը եւ ձեռքը: Մարտական ընկերներն ասում են, որ այդ վիճակում էլ չի հանձնվել եւ տղաներին էլ քաջալերել է չհանձնվել: Տեղափոխվելով հիվանդանոցՙ մի քանի օր մնացել է կոմայում եւ գիտակցության չգալով մահացել:

Հայրենասիրությունը Վահեի մեջ գեներով էր գալիս: Հայրը` Ներսես Աղաբաբյանը, Արցախյան առաջին պատերազմի մասնակից էր, հայտնիՙ «Ռեմբո» մարտական անունով:

Անմնացորդ նվիրվել էր հայրենիքին եւ, ինչպես վայել է իսկական եւ խոնարհ հայ ազատամարտիկին, պատերազմից վերադարձել էր առանց մեդալների, առանց կոչումների ու դափնիների: Ազատ հայրենիքն էր իր համար գլխավոր դափնին: Խոնարհ հերոս հոր կողքին մեծանալով` Վահեն չէր կարող իր ավանդը չներդնել հայրենի սահմանների պաշտպանության գործում:

Այս պատերազմին եւս հայրը մեկնել է ռազմաճակատ, սակայն 28 օր է ինչ ընտանիքը նրանից ոչ մի տեղեկություն չունի: Վահեի հուղարկավորությունը տեղի ունեցավ առանց հոր ներկայության:

Վահեն, բարի ու անմեղ Վահեն, երկինք բարձրացավ ՀԵՐՈՍԻ պես. ընկավ հանուն մեզ,հանուն մեր հողի, հանուն իր ընտանիքի:

Մենք խոնարհվում ենք քո առաջ, հպարտանում ենք քեզանով, բայց էլի մեր արցունքներն ու կորստի ցավը չենք կարող խեղդել կոկորդներումսՙ համոզելով մեզ, թե անմահացար... քեզ կորցնելու ցավը չի թողնի մեզ, որ ի սրտե հպարտանանք քո անձնվեր քայլով:

Թող հոգիդ լույսերի մեջ լինի, հերո՛ս:

«ԱԶԳ» ՕՐԱԹԵՐԹ #35, 30-10-2020
2020-10-30	ՄՈՍԿՎԱՆ ՉԻ՞ ՈՒԶՈՒՄ, ԹԵ՞ ՉԻ ԿԱՐՈՂ «ԽԱՌՆՎԵԼ»
2020-10-30	ԱՐՑԱԽԻ ՆԱԽԱԳԱՀԻ ԿՈՉԸ ՀԱՅՈՒԹՅԱՆԸ
2020-10-30	ՄԵԿԱՄՍՅԱ ՊԱՏԵՐԱԶՄԻ ՀԵՏԱԳԱ ՈՒՐՎԱԳԻԾԸ
2020-10-30	ԹԱՍԻԲԱՀԱՐՎԱԾ
2020-10-30	ՄԵՐ ԲԱՐՈՒԹԻՒՆԸ ՄԵՐ ԹՇՆԱՄԻ՞Ն Է
2020-10-30	ԱԴՐԲԵՋԱՆԸ ՁԱԽՈՂԵՑ ՆԱԵՎ ՀՐԱԴԱԴԱՐԻ ԱՄԵՐԻԿՅԱՆ ՆԱԽԱՁԵՌՆՈՒԹՅՈՒՆԸ, Ի ԳՈՀՈՒՆԱԿՈՒԹՅՈՒՆ ՄՈՍԿՎԱՅԻ
2020-10-30	ՂԱՐԱԲԱՂՅԱՆ ՊԱՏԵՐԱԶՄ: ԴԻՎԱՆԱԳԻՏՈՒԹՅԱՆ ՆԵՐԳՈՐԾՈՒԹՅՈՒՆԸ
2020-10-30	ԹՈՒՐՔԱԿԱՆ ԱՊՐԱՆՔՆԵՐԻ ՆԵՐՄՈՒԾՄԱՆ ԱՐԳԵԼՔՙ ԱՆԼՈՒԾԵԼԻ ԽՆԴԻՐՆԵՐ ՉԵՆ ԱՌԱՋԱՆԱ
2020-10-30	ԻՏԱԼԵՐԵՆ ՆՈՐ ՀԱՏՈՐ ՀԱՅՈՑ ՊԱՏՄՈՒԹՅԱՆ ՎԵՐԱԲԵՐՅԱԼ
2020-10-30	ՇՈՒՏԱՓՈՒՅԹ ՀՐԱԴԱԴԱՐԻ ՊԱՀԱՆՋՙ ԵՐԵԿ ԲՈՒՆԴԵՍԹԱԳԻՑ
2020-10-30	ԱՅԼԵՎՍ ԵՐԲԵՔ «ԿԱՐՍԻ ԱՆԿՈՒՄԻՆ»
2020-10-30	ՀԱՅԱՆՊԱՍՏ ՀԱՎԱՔ ԲԵԼԳՐԱԴՈՒՄ
2020-10-30	ԿԻՆՈՅԻ ԵՎ ԹԱՏՐՈՆԻ ԻՆՍՏԻՏՈՒՏ. ՋԱՀԵԼ ՈՒ ԱՀԵԼ ՉԵՆ ԽՆԱՅՈՒՄ ՈՉԻՆՉ ՀԱՆՈՒՆ ՀԱՂԹԱՆԱԿԻ
2020-10-30	ԱԶՆՎՈՒԹՅՈՒՆԻՑՙ ՀԵՐՈՍԱՑՈՒՄ
2020-10-30	ՄԿՐՏԻՉ ԽՐԻՄՅԱՆԻ ԾՆՆԴՅԱՆ 200-ԱՄՅԱ ՀՈԲԵԼՅԱՆԸ
2020-10-30	ԱՅԴ ՏԱՐՕՐԻՆԱԿ, ՏԱՐՕՐԻՆԱԿ ԱՄԵՐԻԿԱՆ
2020-10-30	ԻՄ ՎԻՐԱՎՈՐ ԵՐԿԻՐ ...ՈՐ ՀՈՂԸ ՉԽՌՈՎԻ ՄԵԶԱՆԻՑ
2020-10-30	ՊԱՊԱՆ ԿԳԱ, ՉԷ՞...
2020-10-30	ԱՐՑԱԽՅԱՆ ՀԱՄՈՒՀՈՏԸ ԵՐԵՎԱՆԻ ԿԵՆՏՐՈՆՈՒՄ
2020-10-30	ԱՊԱՐԱՆԻՑ ՎԱՀԵՆ ԵՎՍ ԲԱՐՁՐԱՑԱՎ ԵՐԿԻՆՔ...
2020-10-30	ԹԻԿՈՒՆՔԻՑՙ ՃԱԿԱՏ
2020-10-30	ՓԱՌԵՆ ԱՐՔԵՊԻՍԿՈՊՈՍ ԱՎԵՏԻՔՅԱՆԸ ԶԻՆԾԱՌԱՅԱՂՆԵՐԻ ԱՊԱՀՈՎԱԳՐՈՒԹՅԱՆ ՀԻՄՆԱԴՐԱՄԻՆ Է ՓՈԽԱՆՑԵԼ 38,093,200 ԴՐԱՄ ԳՈՒՄԱՐ
2020-10-30	ԻՆՉՊԵ՞Ս ՎԱՐՎԵԼ ԳԵՐԻ ԸՆԿԱԾ ՎԱՐՁԿԱՆ ԱՀԱԲԵԿԻՉՆԵՐԻ ՀԵՏ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ