ՍՏԱՑԱՆՔ Հայաստանի կինեմատոգրաֆիստների միությունը ներկայացնում է Սերգեյ Գալստյանի «Ժամանակը եւ փաստը» աշխատությունը («Հայաստան» հրատ., 2013)ՙ ակնարկներ հայկական վավերագրական կինոյի սկզբնավորման, կայացման եւ զարգացման միտումների մասին: Գիրքը բաղկացած է երկու բաժնից. առաջինը ընդգրկում է 1923-1970, երկրորդըՙ 1970-2010 թվականները: Հավելված բաժնում ներկայացված են «Երկիր Հայրենի» եւ «Մարտիրոս Սարյան» ֆիլմերի խոսնակային տեքստերը, որոնք, ըստ հեղինակի, հայ կինոյի պատմության լավագույն նմուշներից են: Հայկական վավերագրական կինոյի անցած ուղին Սերգեյ Գալստյանը փորձում է ամբողջացնել մշակույթի այս ասպարեզում վաստակ ունեցող գործիչների ստեղծագործական կյանքի ուսումնասիրությամբ եւ ամփոփ ներկայացմամբ, որոնց ստեղծածը անցած 90 տարիներին կազմում է ավելի քան 2000 անուն վավերագրական ֆիլմ: Գրքի խմբագիրն է Էմանուել Մանուկյանը: Տպագրվել է պետական պատվերով (ԵԳԵԱ տպագրատուն): | 
