ՔԵՅԹ ՈՒԻՆՍԼԵՏԸ ՋՈԱՆՆԱ ՀՈՖՄԱՆԻ ԴԵՐՈՒՄ Հ. Ծ. Ջոանա Հոֆմանը Լեհաստանից Մ. Նահանգներ գաղթած հայուհի է, ով «Apple»-ի վաղ շրջանի աշխատակցուհիների է եղել եւ թիկունք է կանգնել Սթիվ Ջոբսինՙ հավատ ընծայելով նրա առաքելությանը: Այժմ, ըստ լոսանջելեսյան «Բիզնես ինսայդր» պարբերականի տեղեկատվության, Անդրու Սորկինի սցենարով «Սթիվ Ջոբս» կինոն է նկարահանվում, որտեղ Ջոաննայի դերում հանդես է գալիս տաղանդավոր դերասանուհի Քեյթ Ունիսլետը: Անգլիացի դերասանուհին ֆիլմի մասին տեղեկացել է իր դիմահարդարից, ով Քեյթի հետ աշխատում էր «Դերձակուհին» (The Dressmaker) ֆիլմի վրա: «Ես շատ ոգեւորվեցի թեմայով, բայց Ջոաննայի լուսանկարը տեսնելով հասկացա, որ մի մեծ խոչընդոտ կարող է արգելք հանդիսանալ իմ երազանքի իրականացման գործում: Ուստի ամուսնուս խնդրեցի գնել տարբեր երկարությունների մուգ շագանակագույն կեղծամներ: Դրանցից մեկով լուսանկարեցի դեմքս եւ ուղարկեցի ֆիլմի պրոդյուսեր Սքոթ Ռուդինին: Այնուհետեւ տեղի ունեցավ հանդիպում ռեժիսոր Դենի Բոյլի հետ», պատմել է Քեյթը «Վալչըր» պարբերականին վերջերս տված հարցազրույցի ժամանակ: Նոր ֆիլմում Սթիվ Ջոբսի դերը կատարելու է Մայքլ Ֆասբենդերը, իսկ Սթիվ Վոզնիակի դերըՙ Սեթ Ռոբենը: | 
