ՆՈՐ ԳԻՐՔ ՇՎԵՅՑԱՐԻԱՅԻ ՄԱՐԴԱՍԻՐԱԿԱՆ ՕԺԱՆԴԱԿՈՒԹՅԱՆ ՄԱՍԻՆ Հ.Ծ. «Մարդասիրության վկայակոչումներ: Շվեյցարիայի մարդասիրական նպաստը Օսմանյան կայսրությունում իրականացված Հայոց ցեղասպանության ժամանակ 1894-1923 թթ.» (Bearing Witness to Humanity: Switzerland՛s Humanitarian Contribution during the Armenian Genocide in the Ottoman Empire 1894-1923»: Այսպես է կոչվում Ժնեւում «Mu..nster: Aschendorff Verlag» հրատարակչատան կողմից վերջերս լույս տեսած հատորը, որի հեղինակն է հայր դոկտ. Աբել Մանուկյանը : Գիրքը հարգանքի տուրք է մատուցված շվեյցարացի ժողովրդի աննախադեպ զորակցությանը մեր պատմության ամենաողբերգական ժամանակաշրջանում: 606 էջերում հեղինակը համընդհանուր գծերով հայոց պատմությունը ներկայացնելուց հետո, կենտրոնացել է, ըստ «Միրոր Սփեքթեյթր» թերթի հաղորդագրության, Ցեղասպանությանը նախորդած դեպքերի, այնուհետեւ գործադրված վայրագություների վրա եւ թվարկել շվեյցարացի միսիոներների անձնուրաց գործունեությունը: Որպես օրինակ, այլոց շարքում, հիշատակվել է Բազելից քույր Բեատրիս Ռոհների (1876-1947) եւ Վալցենհաուզենից Ջեյկոբ Քունցլերի (1871-1949) անունները: Առաջինը ուղեղի ցնցում է ստացել ականատեսը լինելով սարսափներին (աշխատել է որպես դասատու, եղել է որբանոցի տնօրեն), իսկ երկրորդըՙ 1899-1922 թվերին Թուրքիայում աշխատել է նախ որպես սանիտար, ապա թերապեւտ: Բժիշկների, բուժքույրերի կողքին շվեյցարացի ժողովուրդն էլ իր անհրաժեշտ լուման է ներդրել օգնելու համար հայ գաղթականներին: Զորակցության շարժումը զանգվածային բնույթ է կրել: Դոկտ. Մանուկյանը մեծապես օգտվել է շվեյցարական արխիվներից, որտեղից պեղել եւ դուրս է բերել մինչ այժմ չօգտագործված նյութեր: Գիրքը մեծապես գովելի նախաձեռնություն են որակել մասնագետները: Նկար 1. Աբել Մանուկյան | 
