ԳՐԻԳՈՐՅԱՆՆ ԱՌԱՋԻՆ ՊԱՐՏՈՒԹՅՈՒՆԸ ԿՐԵՑ Ֆրանսիական Ռոշֆոր քաղաքում ընթացող շախմատի մրցաշարի 7-րդ տուրն անհաջող դասավորվեց միանձնյա առաջատար Կարեն Գրիգորյանի համար: Հայ շախմատիստը սեւերով զիջեց վրացի գրոսմայստեր Դավիթ Ջոջուայինՙ կրելով մրցաշարում առաջին պարտությունը: Ջոջուան վաստակած 5,5 միավորով հավասարվեց Գրիգորյանին եւ նրա հետ գլխավորեց աղյուսակը: Առայժմ անպարտելի է Սամվել Տեր-Սահակյանը, որը ոչ-ոքի ավարտեց պարտիան մրցաշարի մասնակիցներից ամենաբարձր անհատական վարկանիշ ունեցող Անդրեյ Իստրատեսկուի հետ: Սամվելը վաստակել է 5 միավոր եւ նույնպիսի արդյունք ունեցող 5 շախմատիստների հետ հետապնդում է առաջատարներին: Մրցաշարի ավարտին մնացել է 2 տուր: 8-րդ տուրում Կարեն Գրիգորյանը սպիտակներով կխաղա Կորե Ակշայրաջի հետ: Սամվել Տեր-Սահակյանը սեւերով կմրցի Քուենտին Լուիսեայի հետ: Իսկ Դավիթ Ջոջուայի մրցակիցը կլինի Անդրեյ Իստրատեսկուն: B խմբի մրցաշարւմ հերթական պարտությունը կրեց ֆրանսահայ Գուրգեն Հազարապետյանը, որի մրցակիցը Բերտրան Գրեմերսն էր: Հայ շախմատիստը 7 հնարավորից ընդամենը 2 միավոր է վաստակել: 6-ական միավորով աղյուսակը գլխավորում են Վինսենտ Սավրեն եւ Լուիզ Գոնսալեսը: | 
