ՆՈՐ ԿՐԹԱԿԱՆ ԾՐԱԳԻՐ ԳԱՖԵՍՃՅԱՆ ԱՐՎԵՍՏԻ ԿԵՆՏՐՈՆՈՒՄ Այսօր ժամը 14:00-ին Գաֆեսճյան արվեստի կենտրոնում մեկնարկում է «Ստեղծիր քո պատմությունը» նոր կրթական ծրագիրը` նախատեսված ընտանիքների եւ դպրոցականների համար: Ծրագիրն իրականացվում է «Հակոբ Հակոբյան. երկաթե երկեր» ցուցահանդեսի շրջանակներում: Ծրագրի առաջին մասում մասնակիցները շրջայց կունենան «Արծիվ» սրահում: Նրանք կծանոթանան Հակոբ Հակոբյանի ստեղծագործություններին եւ նրա քանդակների ստեղծման հիմնական գաղափարներին: Ծրագրի երկրորդ մասը կշարունակվի կենտրոնի Ստեղծագործական սրահում: Մասնակիցները հատուկ արկղի մեջ կտեղավորեն իրենց հետ կենտրոն բերած տարատեսակ առարկաները: Յուրաքանչյուրը կընտրի իր նախընտրած առարկան, որը հակոբյանական սկզբունքով կվերածվի մարդակերպ կամ կենդանակերպ ֆիգուրի: Ծրագիրը բացահայտում է` ինչպես հասարակ առարկաները կարող են վերածվել ֆիգուրներիՙ զարգացնելով երեխաների երեւակայությունը, եւ հրաշալի առիթ է վայելելու ստեղծագործական մթնոլորտը»,- մեկնաբանեց Գաֆեսճյան արվեստի կենտրոնի տնօրենի ժամանակավոր պաշտոնակատար Վահագն Մարաբյանը: Ծրագրին մասնակցությունն անվճար է, պարտադիր նախնական գրանցմամբ: Տեղեկությունների եւ գրանցումների համար զանգահարել` +37410 54 19 32/34: | 
