ԱՐՏԱՍԱՀՄԱՆՅԱՆ ՊԱՂՊԱՂԱԿՆԵՐԸՙ ԱՌԱՆՑ ՀԱՅԵՐԵՆ ՄԱԿՆՇՄԱՆ Ինչպես տեղեկացանք «Իրազեկ եւ պաշտպանված սպառող» հասարակական կազմակերպությունից, կազմակերպությունն իրականացրել է ուսումնասիրություն նաեւ իրացման ցանցում վաճառվող Հայաստանի Հանրապետություն ներկրված պաղպաղակի շուկայում: Պարզվել է, որ հայրենական արտադրանքից մի քանի անգամ ավելի թանկ գին ունեցող «SNICKERS», «Mars», «Dove», «BOUNTY», «Starburst», «M&Ms», «Maltesers», «Twix», «Celebrations» պաղպաղակները վաճառվում են հիմնականում առանց հայերեն մակնշման: Ստացվում է, որ սպառողը, մի քանի անգամ ավելի թանկ վճարելով, չունի հնարավորություն իմանալուՙ ինչ է օգտագործում եւ հույսը պետք է դնի միայն պաղպաղակների հայտնի անվանումների վրա: Կազմակերպությունը խնդրի մասին տեղեկացրել է նաեւ ՀՀ ԳՆ սննդամթերքի անվտանգության պետական ծառայությանը: |
