ԴՐԱՄԱՀԱՎԱՔԻ ՆՊԱՏԱԿԸ 100-ԱՄՅԱԿԸ ՊԱՏՇԱՃ ՈԳԵԿՈՉԵԼՆ Է Ան. Հ., Գերմանիա Դեկտեմբերի 6-ին Քյոլնում տեղի է ունեցել հանդիսավոր ճաշկերույթ - դրամահավաքՙ հագեցած մշակութային բարձրորակ կատարումներով, որի հասույթն ուղղվելու է Հայոց ցեղասպանության 100-ամյակի ոգեկոչման միջոցառումներն իրականացնելուն:Գերմանահայոց կենտրոնական խորհրդի եւ գերմանահայ գործարարների միության կազմակերպած երեկոյին ներկա են եղել քաղաքային իշխանության ներկայացուցիչներ, Բեռլինում ՀՀ դեսպանությունից, ԳԴՀ-ում ՀՀ պատվո հյուպատոսը, Գերմանահայոց թեմի առաջնորդ Գարեգին արք. Բեքչյանը, համայնքային կառույցների անդամներ: Ընթերցվել է Սփյուռքի նախարարի ողջույնի խոսքը: Ներկաներին տպավորել են սոպրանո Հրաչուհի Բասենցի, դաշնակահարուհիներ Լոլիտա Պողոսյանի, Սոնա Բարսեղյանի, սաքսոֆոնահար Հայրապետ Առաքելյանի կատարումները, Հոլանդիայից հրավիրված Երվանդ Փափազյանն իր նվագախմբով: Ըստ կազմակերպիչների, երեկոյի արդյունքը գոհացնող է: |
