ՀԱՐԳԱՐԺԱՆ ԲԱՐԵԿԱՄՆԵՐ «Թեքեյան Կենտրոն» հիմնադրամը սիրով հրավիրում է Ձեզ մասնակցելու Պաոլո Կոսսիի, Ժ.Բ. Ջիանի եւ Ժան Վարուժանի հեղինակած «ՆԵՄԵՍԻՍ ԳՈՐԾՈՂՈՒԹՅՈՒՆԸ» ՍՈՂՈՄՈՆ ԹԵՀԼԵՐՅԱՆ, պատկերապատումներով գրքի շնորհանդեսին, որը տեղի կունենա ս.թ. փետրվարի 27-ին, ժամը 15:00-ին Թեքեյան Կենտրոնի մեծ սրահում /Երեւան, Խանջյան 50/ Սույն պատկերապատումների հիմքում ընկած է հայ ժողովրդի մեծագույն զավակ Սողոմոն Թեհլերյանի դատավարության սղագրությունը: Գրքի վերջում զետեղված մի շարք արխիվային փաստաթղթերն ու քարտեզներն ավելի են բարձրացնում այս հրատարակության արժեքը: Կարեւոր է նաեւ այն, որ թուրք բարբարոսների իրականացրած հայերի ցեղասպանությանը անդրադարձել է պատկերապատումների բնագավառում իտալացի հանրահայտ նկարիչ Պաոլո Կոսսին: Գիրքն արդեն լույս է տեսել ֆրանսերեն, անգլերեն, հայերեն եւ ռուսերեն: | 
