ԷՋՄԻԱԾԻՆ ՔԱՂԱՔԻ ԷՆԵՐԳԵՏԻԿԱՆ 110 ՏԱՐԵԿԱՆ Է Ստեփան ՊԱՊԻԿՅԱՆ, Տեխնիկական գիտությունների թեկնածու Էջմիածին քաղաքի առաջին էլեկտրակայանը կառուցվել է 1907 թվականին Բաքվի հայ հարուստների միջոցներով եւ ջանքերով: Կայանում տեղադրվել է «Դիզել» տեսակի մեկ շարժիչ 22 կՎտ (30 ձիաուժ) հզորությամբ, որը ժապավենային փոխանցումով միացվել է 230 Վ լարման, 20 կՎտ հզորության հաստատուն հոսանքի գեներատորին: Կայանն ուներ շատ պարզ կառուցվածք: Էլեկտրական էներգիայի տարեկան արտադրությունը չի գերազանցել 30 հազար կՎտ.ժամ-ը: Կայանն աշխատել է մթնշաղից մինչեւ լուսաբաց կոմունալ-կենցաղային եւ տպարանի կարիքների համար: Հարկ է նշել,որ Հայաստանում առաջին էլեկտրակայանը կառուցվել է 1903 թվականին Դիլիջանում 101ԿՎտ հզորությամբ:Աղստեւ գետից առբերվող ջրով պտտվող անիվը աշխատացնում էր փայտասղոցարանի շրջանաձեւ սղոցը: Մինչեւ 1990 թվականը Էջմիածին քաղաքում գոյություն ունեին 15 ջեռուցման կաթսայատուն ,որոնց ջերմային ցանցերի ընդհանուր երկարությունը կազմում էր 59 կիլոմետր,իսկ ընդհանուր ջերմարտադրողականությունը`105,1 հեկակալորիա մեկ ժամում:1990թ. արտադրվել է 121637 հեկակալորիա ջերմային էներգիա: | 
