«ՊԱՆԱՄԱԿԱՆ ԹՂԹԵՐ». ՈՐՔԱ՞Ն ԿՄՏՆԻ ՀԱՅԱՍՏԱՆԻ ԳԱՆՁԱՐԱՆ ԱՆԱՀԻՏ ՀՈՎՍԵՓՅԱՆ, Գերմանիա 2016-ի ապրիլին աշխարհով մեկ լրագրողական մի հետաքննություն բացեց համեստ, ազնիվ ապրուստով բավարարվող քաղաքացիների աչքերը: Հայաստանում էլ «Հետքը» լույս սփռեց, թե ինչ ասել է «Պանամական թղթեր»: NDR-ի, WDR-ի եւ «Զյուդդոյչե ցայթունգի» լրագրողական բացահայտումից հետո Գերմանիան մեծ եկամուտների տեր է դարձել, իրազեկում է գերմանական հեռուստատեսությունըՙ մասնավորապես արձանագրելով, թե անցնող տարիներին երկրի հարկային մարմինները 140 միլիոն եվրո են գանձելՙ Mossack Fonseca գրասենյակի տեղեկատվության օգնությամբ: Հետաքննող տեղեկություններն ընդհանուր առմամբ հանգեցրել են 71 քրեական դատավարության, ավելի քան 2000 դեպք ուսումնասիրվում է: Ընտրությունների թոհուբոհում, երբ ԱԺ պատգամավոր դարձավ նաեւ «Պանամական թղթերից» հայտնի դարձած Միհրան Պողոսյանը, մեր լրատվամիջոցներում այլեւս չկարդացինք նրանից գանձվող գումարներն ի՞նչ եղան: Միգուցե հիմա՞ իրազեկ դառնանք: |
