ՓԱՇԻՆՅԱՆ-ՊՈՒՏԻՆ. ՄԱՅԻՍԻ 14-ԻՆՙ ՍՈՉԻՈՒՄ ՀՈՎԻԿ ԱՖՅԱՆ Մայիսի 14-ին Սոչիում տեղի կունենա ԵԱՏՄ հերթական գագաթաժողովը, որին կմասնակցեն Միության անդամ պետությունների ղեկավարները: Հենց այդ օրն էլ նատաեսված է Նիկոլ Փաշինյան-Վլադիմիր Պուտին առաջին հանդիպումը: Վարչապետ Փաշինյանը հայտնել է, որ անպայման մեկնելու է Սոչի, ավելի վաղ հայտնի էր դարձել, որ Պուտինը զանգահարել է Փաշինյանինՙ շնորհավորելով վերջինիս ՀՀ վարչապետ ընտրվեու, ապա նշանակվելու առիթով: Պուտինը նաեւ հույս է հայտնել, թե ինքն ակնկալում է, որ Փաշինյանի կառավարության օրոք Հայաստան-Ռուսաստան ռազմավարական դաշնակցային հարաբերությունները կամրապնդվեն ինչպես երկկողմ, այնպես էլ ԵԱՏՄ-ի, ՀԱՊԿ-ի եւ ԱՊՀ-ի շրջանակներում: Ուշագրավ է, որ մեկ ամիս առաջ, երբ Հայաստանի վարչապետ ընտրվեց Սերժ Սարգսանը եւ Պուտինը գրեթե նույն տեքստով շնորհավորեց նրան, ՌԴ նախագահը հիշյալ հարաբերությունների ամրապնդման հարցում ոչ թե հույս էր հայտնել, այլ վստահություն: |
