ԱԺ ՔՆՆԻՉ ՀԱՆՁՆԱԺՈՂՈՎՆԵՐԸ ՀԱՍԱՆ ՉՈՐՍԻ Մ. Խ. Երեւանի քաղաքապետարանին տարբեր տրանսպորտային միջոցների եւ այլ գույքի հանձնման օրինականությունը, ինչպես նաեւ շինարարական թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրող քննիչ հանձնաժողով է ստեղծվել Ազգային ժողովում` պատգամավորների մեկ քառորդի պահանջով: Սա տեղի է ունեցել Երեւանի քաղապետարանի մի շարք սկանդալային բացահայտումների, մասնավորապես` «Կամազներ» նվեր ստանալու աղմուկի համապատկերում: Եթե նկատի առնենք Գագիկ Ծառուկյան-Հայկ Մարության վերջին «փոխհրաձգությունները»` մի քննիչ հանձնաժողով էլ պետք կլինի ստեղծել շեյխապատումի թեմայով, չնայած ԶԼՄ-ներն այդ թեմայով արդեն իրար հակասող բացահայտումներ արել են: Ասում էինք, չէ՞, ԱԺ-ն վերածվում է այլընտրանքային քննչական ծառայության: |
