ԳՐԱԴԱՐԱՆԱՅԻՆ ՇԱԲԱԹԸ ՆՈՐԱՄՈՒԾՈՒԹՅԱՆ ԵՎ ՁԵՌՆԵՐԵՑՈՒԹՅԱՆ ԱԶԳԱՅԻՆ ԿԵՆՏՐՈՆՈՒՄ ՍՏԵՓԱՆ ՊԱՊԻԿՅԱՆ, Հայկական էներգետիկական ակադեմիայի հիմնադիր նախագահ, տեխնիկական գիտությունների թեկնածու 2021թ. ապրիլի 12-19-ը ՀՀ էկոնամիկայի նախարարաության Նորամուծության եւ Ձեռներեցության ազգային կենտրոնի («ՆՁԱԿ» ՊՈԱԿ) գիտատեխնիկական գրադարանում ազգային գրադարանային շաբաթի շրջանակներում տեղի ունեցան մի շարք միջոցառումներ նվիրված տարբեր բնագավառների մասնագետների, ընթերցողների եւ պատասխանատուների մասնակցությամբ: «Բաց դռների շաբաթ»-ի շրջանակներում տեղի ունեցավ գիտատեխնիկական գրադարանի մասնագիտացված ֆոնդերից (գրքեր, ամսագրեր, արտոնագրային եւ նորմատիվ-տեխնիկական փաստաթղթեր, արդյունաբերական կատալոգներ) ընտրված գրականության ցուցահանդեսՙ ռազմական գործ, էներգետիկա, հանքարդյունաբերություն, սննդի եւ թեթեւ արդյունաբերություն, տնտեսագիտություն, գործարարություն, նորարարություն, բիզնեսի կառավարում, գրադարանային գործ թեմաներով: Մասնավորապես ապրիլի 14-ին տեղի ունեցավ հանդիպում Վազգեն Սարգսյանի անվան ռազմական համալսարանի ուսանողների, դասախոսների հետ եւ «Ռազմական գործ» խորագրով գրադարանի մասնագիտացված ֆոնդերի ցուցադրություն: Ներկայացվեցին1990-2003թթ. գրադարանում գործող «Ռազմական գրականության սրահի» ռազմական գործին, տեխնիկային վերաբերող գրականությունը (գրքեր, կատալոգներ, տեղեկատուներ, ամսագրեր եւ այլն): Գրադարանի կողմից նախկինում հրատարակված «Հայ զինվորի գրադարան» մատենաշարի 18 թողարկումները, ինչպես նաեւ ռազմական գործի վերաբերյալ ռուսական ամսագրեր: Ապրիլի 15-ին ներկայացվեց «Ներկայի եւ ապագայի էներգետիկան» խորագրով մասնագիտական գրականության ցուցահանդեսը: Ապրիլի 16-ին գրադարանում էին «Մխիթար Սեբաստացի» կրթահամալիրի, Հայկական պետական մանկավարժական համալսարանի գրադարանային մասնագիտության ուսանողների ու դասախոսների համար կազմակերպված ցուցահանդես: Ազգային գրադարանային շաբաթը կազմակերպել եւ ակտիվ մասնակցություն ունեցան գրադարանի մի շարք աշխատակիցներ` տնօրեն Լեւոն Ղարիբյանը , Կարինե Ազատյանը , Լիլյա Ալչյանը , Աիդա Սարգսյանը , Լաուրա Ավետիսովան , Լիլիթ Վարդանյանը եւ այլք: Միջոցառումներն անցան հետաքրքրական եւ բովանդակալից մթնոլորտում: Խմբագրության կողմից. - Էներգետիկայի բնագավառի անվանի գիտնական, Հայկական էներգետիկական ակադեմիայի հիմնադիր նախագահ, «Ազգ»-ի թղթակից Ստեփան Պապիկյանը շուրջ 40 տարի գիտատեխնիկական գրադարանի ամենաակտիվ ընթերցողներից է: Բացի այդ, նրա գիտական աշխատանքները պարբերաբար համալրում են գրադարանի ֆոնդը: Նրա հեղինակած բազմաթիվ գիտական աշխատանքներ ցուցադրված են Ազգային գրադարանային շաբաթվա շրջանակներում էներգետիկայի վերաբերյալ կազմակերպված թեմատիկ ցուցահանդեսում: | 
