ՎՃԱՐՈՎԻ ԸՆՏՐՈՒԹՅՈՒՆ. ԻՆՏԵՐՊՈԼԻ ՆՈՐ ՂԵԿԱՎԱՐԻՆ ՔՆՆԱԴԱՏՈՒՄ ԵՆ ԱՆԱՀԻՏ ՀՈՎՍԵՓՅԱՆ Նոյեմբերի 25-ին Ստամբուլում 195 անդամ պետությունների քվեարկության արդյունքում Ինտերպոլի քառամյա ժամկետով նոր ղեկավար է ընտրվել Ահմեդ Նասեր Ալ-Ռաիսիին , որը հայտնվել է մարդու իրավունքների պաշտպան կազմակերպությունների քննադատությունների թիրախում: Նրան վերագրում են կոշտ վարվելակերպ: Մասնավորապես Ալ-Ռաիսին անմիջական մասնակցություն է ունեցել ԱՄԷ-ում լրտեսության մեղադրսնքով ձերբակալված բրիտանացի քաղաքագետ Մեթյու Հեջեսի հանդեպ կիրառված խոշտանգումներին: Էմիրությունների ներկայացուցիչը ներքին գործերի նախարարության գլխավոր տեսուչ է եղել, վերջին տարիներինՙ Ինտերպոլի գործադիր կոմիտեի անդամ: Ինտերպոլը սնուցվում է 195 անդամակից պետություններից փոխանցվող գումարներով: Արաբական Էմիրությունները 2016-ին, անսալով կազմակերպության դրամահավաքի կոչին, 5 տարվա ընթացքում պարտավորվել է Ինտերպոլին փոխանցել 50 միլիոն եվրո, որ շուրջ 100 անդամակից պետությունների տարեկան հատկացումն է կազմում, ծանուցում է dpa գործակալությունը: |
