ՀԱՅՈՑ ԲԱՆԱԿԻ ՀԻՄՆԱԴՐՄԱՆ 21-ԱՄՅԱԿԻՆ ԸՆԴԱՌԱՋ Մ. Հ. Հայոց բանակի հիմնադրման 21-ամյակին ընդառաջ Խ. Աբովյանի անվան հայկական պետական մանկավարժական համալսարանում կազմակերպվել էր ցուցահանդես, որը կրում էր «Հայոց բանակ 21» խորագիրը: Ցուցադրությանը ներկայացված էին Արցախյան ազատամարտի, հայոց կանոնավոր բանակի ստեղծման, տարեգրության, զարգացման եւ ներկայիս նվաճումների մասին պատմող 160 գիրք, գրքույկ: Նշենք, որ «Հայոց բանակ 21» ցուցադրությանը ներկայացված են Արցախյան ազատագրական շարժման կազմակերպիչներից ՀՀ նախագահ, Արցախի հերոս Սերժ Սարգսյանի «Հայոց բանակ-10» գիրքը, ՀՀ պաշտպանության առաջին նախարար, ՀՀ վարչապետ, ՀՀ Ազգային հերոս, Արցախի հերոս Վազգեն Սարգսյանի «Ոգու փորձություն», ՀՀ պաշտպանության նախարար, Արցախի հերոս, գեներալ-գնդապետ Սեյրան Օհանյանի «21-րդ դարի բանակ», «Հայկական բանակի 20-ամյա տարեգրությունը» եւ այլ գրքեր: Վերջին 21 տարում հրատարակված գրքերից շուրջ 100-ը նվիրված են Արցախյան գոյամարտին եւ դրան մասնակից մարտիկներին: Ցուցադրությունը կտեւի մեկ ամիս: | 
