Տեղադրվել է` 2013-02-16 00:08:13 (GMT +04:00)

Ընթերցված է` 1563, Տպվել է` 71, Ուղարկվել է էլ.փոստով` 70

«ԱՐԱՐԱՏ»-«ՄԵՐԱՆԻ» ՀԱՆԴԻՊՈՒՄՆ ԱՎԱՐՏՎԵԼ Է ԾԵԾԿՌՏՈՒՔՈՎ

Բաթումում ուսումնամարզական հավաքի շրջանակում «Արարատը» ստուգողական 2-րդ հանդիպումն է անցկացրելՙ մրցելով Վրաստանի բարձրագույն խմբում հանդես եկող «Մերանի» թիմի հետ: Ինչպես տեղեկացանք «Արարատի» մամուլի քարտուղարությունից, խաղը 70-րդ րոպեին մնացել է անավարտ խաղադաշտում ծագած ծեծկռտուքի պատճառով: Այն ծագել է, երբ մրցավարը չհիմնավորված 11 մ հարված է նշանակել «Արարատի» դարպասին, իսկ վրացի ֆուտբոլիստներից մեկը բավականին կոպիտ է խաղացել «Արարատի» խաղացողի նկատմամբ: Երկու թիմերի մարզիչների որոշմամբ հանդիպումն ավարտվել է 70-րդ րոպեին: Այդ պահին հաշիվը հավասար էրՙ 2-2: Արարատցիներից 2 գոլերն էլ իր օգտին է գրանցել Գեւորգ Նռանյանը: Խաղից հետո մրցակցի մարզիչն իր ֆուտբոլիստների անվայելուչ պահվածքի համար ներողություն է խնդրել «Արարատի» գլխավոր մարզիչ Աբրահամ Խաշմանյանից: